ಮೆಗಾಸ್ಟಾರ್ ಚಿರಂಜೀವಿಗೆ ಸೆಪ್ಟೆಂಬರ್ 22 ತುಂಬಾ ವಿಶೇಷವಾದ ದಿನವಂತೆ

ಹೈದರಾಬಾದ್ : ಮೆಗಾಸ್ಟಾರ್ ಚಿರಂಜೀವಿ ಅವರು ಸೆಪ್ಟೆಂಬರ್ 22  ಅನ್ನು ತಮ್ಮಜೀವನದ ವಿಶೇಷ ದಿನವೆಂದು ಕರೆದಿದ್ದಾರೆ.

ಯಾಕೆಂದರೆ ಅವರು ನಟಿಸಿದ ಮೊದಲ ಚಿತ್ರ ‘ಪ್ರಣಮ್ ಖರೀದು’ ತೆರೆಗೆ ಬಂದಿದ್ದು ಸೆಪ್ಟೆಂಬರ್ 22  ರಂದು. ಆದಕಾರಣ ಈ ದಿನ ತಮಗೆ ತುಂಬಾ ಮುಖ್ಯವಾದ ದಿನ ಎಂದು ಹೇಳಿದ್ದಾರೆ. ಹಾಗೇ ತನ್ನ ಚಿತ್ರ ಹಾಗೂ ತನ್ನನ್ನು ಸ್ವೀಕರಿಸಿದ ತನ್ನ ಅಭಿಮಾನಿಗಳಿಗೆ ಭಾವನಾತ್ಮಕ ಧನ್ಯವಾದ ತಿಳಿಸಿದ್ದಾರೆ.

ಮೆಗಾಸ್ಟಾರ್ ಚಿರಂಜೀವಿ ಮೊದಲ ಬಾರಿಗೆ ನಾಯಕನಾಗಿ ಅಭಿನಯಿಸಿದ ಚಿತ್ರ ‘ಪ್ರಣಮ್ ಖರೀದು’ ಸೆಪ್ಟೆಂಬರ್ 22   1978 ರಂದು ಬಿಡುಗಡೆಯಾಗಿತ್ತು. ಕೆ.ವಾಸು ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರದಲ್ಲಿ  ರಾಮ್ ಗೋಪಾಲ್ ರಾವ್, ಜಯಸುಧಾ, ಚಂದ್ರ ಮೋಹನ್ ಮತ್ತು ಇತರರು ನಟಿಸಿದ್ದಾರೆ.