ಮುಂಬೈ: ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ಪುತ್ರಿ ಸಾರಾ ತೆಂಡುಲ್ಕರ್ ಯಾವ ಮಾಡೆಲ್ ಗೂ ಕಮ್ಮಿಯಿಲ್ಲ. ಅಪ್ರತಿಮಿ ಸುಂದರಿ ಸಾರಾ ಈಗ ಪ್ರೇಮಪಾಶಕ್ಕೆ ಸಿಲುಕಿದ್ದಾರೆಯೇ? ಇತ್ತೀಚೆಗಿನ ಅವರ ಇನ್ ಸ್ಟಾಗ್ರಾಂ ಪೋಸ್ಟ್ ಅದನ್ನು ಪುಷ್ಠೀಕರಿಸುತ್ತಿದೆ.
ಸಾರಾ ಟೀಂ ಇಂಡಿಯಾದ ಯುವ ಕ್ರಿಕೆಟಿಗ ಶುಬ್ನಂ ಗಿಲ್ ಜತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಹಬ್ಬಿದೆ. ಇದಕ್ಕೆ ಕಾರಣ ಇಬ್ಬರ ಸೋಷಿಯಲ್ ಮೀಡಿಯಾ ಪೋಸ್ಟ್. ಮೊನ್ನೆಯಷ್ಟೇ ಶುಬ್ನಂ ಐ ಸ್ಪೈ ಎಂದು ಕಣ್ಣಿನ ಇಮೋಜಿ ಜತೆಗೆ ತಮ್ಮ ಫೋಟೋ ಪ್ರಕಟಿಸಿದ್ದರು. ಇದೀಗ ಸಾರಾ ಕೂಡಾ ಅದೇ ಸಂದೇಶ ಬರೆದು ತಮ್ಮ ಫೋಟೋ ಪ್ರಕಟಿಸಿದ್ದಾರೆ. ಇದೂ ಸಾಲದೆಂಬಂತೆ ಶುಬ್ನಂ ಮೊನ್ನೆಯ ಐಪಿಎಲ್ ಪಂದ್ಯದಲ್ಲಿ ಫೀಲ್ಡಿಂಗ್ ಮಾಡುವ ಫೋಟೋವೊಂದನ್ನು ಪ್ರಕಟಿಸಿ ಸಾರಾ ಅದಕ್ಕೆ ಹಾರ್ಟ್ ಇಮೋಜಿ ಪ್ರಕಟಿಸಿದ್ದಾರೆ. ಇದನ್ನು ನೋಡಿ ನೆಟ್ಟಿಗರು ಇಬ್ಬರ ನಡುವೆ ಏನೋ ಇದೆ ಎನ್ನುತ್ತಿದ್ದಾರೆ.
