ಬೆಂಗಳೂರು: ಸ್ಯಾಂಡಲ್ ವುಡ್ ನ ಇಬ್ಬರು ನಟಿಯರಾದ ಪೂಜಾ ಗಾಂಧಿ ಮತ್ತು ಸಂಜನಾ ನಡುವೆ ಕಳೆದ ಕೆಲವು ದಿನಗಳಿಂದ ಮುಸುಕಿನ ಗುದ್ದಾಟ ನಡೆಯುತ್ತಿತ್ತು. ಇದೀಗ ಸಂಜನಾ ಬಹಿರಂಗವಾಗಿಯೇ ಪೂಜಾ ವಿರುದ್ಧ ಕಿಡಿಕಾರಿದ್ದಾರೆ.
ಇದು ಪ್ರಾರಂಭವಾಗಿದ್ದು, ‘2’ ಚಿತ್ರದ ಪ್ರಚಾರ ಕಾರ್ಯಕ್ರಮದಿಂದ. ಈ ಕಾರ್ಯಕ್ರಮಕ್ಕೆ ನಿರ್ಮಾಪಕರು ಕರೆಯಲಿಲ್ಲ ಎಂದು ಸಂಜನಾ ಬಂದಿರಲಿಲ್ಲ. ಇದಕ್ಕೆ ಸಂಜನಾಗೆ ಆಹ್ವಾನ ನೀಡದೇ ಇರುವುದಕ್ಕೆ ಪೂಜಾ ಗಾಂಧಿಯೇ ಕಾರಣವಂತೆ ಎಂಬ ಸುದ್ದಿಗಳು ಹಬ್ಬಿತ್ತು. ಅದೂ ಸಾಲದ್ದಕ್ಕೆ ಪೂಜಾ ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಸಂಜನಾ ಅಭದ್ರತೆಯ ನಟಿ ಎನ್ನುವ ಅರ್ಥ ಬರುವಂತೆ ಬರೆದಿದ್ದರಂತೆ.
ಇದು ಸಂಜನಾರನ್ನು ಕೆರಳಿಸಿದೆ. ಪೂಜಾ ಗಾಂಧಿ ಎದುರಿಗೇ ಪತ್ರಿಕಾಗೋಷ್ಠಿಯಲ್ಲಿ ಕಿಡಿ ಕಾರಿದ ಸಂಜನಾ ‘ನನ್ನ ಬಗ್ಗೆ ಪೂಜಾಗೆ ಹೀಗೆಲ್ಲಾ ಮಾತನಾಡುವುದಕ್ಕೆ ರೈಟ್ಸ್ ಇಲ್ಲ. ಅಭದ್ರತೆ ಇರೋದು ಪೂಜಾಗೆ ನನಗಲ್ಲ. ಇಂತಹವರ ಫ್ರೆಂಡ್ ಶಿಪ್ ಮಾಡಬೇಕಾ’ ಎಂದು ಯದ್ವಾ ತದ್ವಾ ವಾಗ್ದಾಳಿ ನಡೆಸುತ್ತಿದ್ದರೆ, ಪಕ್ಕದಲ್ಲೇ ಕೂತಿದ್ದ ಪೂಜಾ ಏನೂ ಹೇಳದೇ ಕಿರು ನಗೆ ನಕ್ಕರಷ್ಟೇ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
