ಬೆಂಗಳೂರು: ಗಂಡ ಹೆಂಡತಿ ಸಿನಿಮಾ ಖ್ಯಾತಿಯ ನಟಿ ಸಂಜನಾ ತಮ್ಮ ಟ್ವಿಟರ್ ಪೇಜ್ ನಲ್ಲಿ ತಮ್ಮ ಉಡುಗೆ ಬಗ್ಗೆ ಕಾಮೆಂಟ್ ಮಾಡಿದವರಿಗೆ ತಿರುಗೇಟು ಕೊಟ್ಟಿದ್ದಾರೆ.
ಸಂಜನಾ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಎದೆಸೀಳು ದರ್ಶನ ಮಾಡುವ ಗ್ಲಾಮರಸ್ ಫೋಟೋ ಪ್ರಕಟಿಸಿದ್ದರು. ಇದನ್ನು ನೋಡಿದ ಮಹಿಳಾ ಟ್ವಿಟರಿಗರೊಬ್ಬರು ನಿನಗೆ ಟಾಪ್ ಲೆಸ್ ಡ್ರೆಸ್ ಉತ್ತಮ ಎಂದಿದ್ದಲ್ಲದೆ, ನಿನ್ನಂಥವರು ಈ ರೀತಿಯ ಡ್ರೆಸ್ ಹಾಕುವುದರಿಂದಲೇ ಪುರುಷರು ಉದ್ರೇಕಗೊಳ್ಳುವುದು. ನಾಚಿಕೆಯಾಗಬೇಕು ನಿನಗೆ ಎಂದು ತೋಚಿದಂತೆ ಕಾಮೆಂಟ್ ಮಾಡಿದ್ದರು.
ಇದರಿಂದ ಸಿಟ್ಟಗೆದ್ದ ಸಂಜನಾ ‘ನಾನು ಏನು ತೊಟ್ಟುಕೊಳ್ಳಬೇಕು, ಹೇಗಿರಬೇಕು ಎನ್ನುವುದು ನನಗೆ ಗೊತ್ತಿದೆ. ನಿನ್ನಂಥಾ ಹತಾಶೆಗೊಳಗಾಗಿರುವ ಮಹಿಳೆಯಿಂದ ಕಲಿಯಬೇಕಾಗಿಲ್ಲ. ನೀನು ಹುಡುಗ ಅಲ್ವಲ್ಲಾ? ಮತ್ಯಾಕೆ ನಿನಗೆ ಇಷ್ಟು ಉರೀತಾ ಇದೆ? ನಾನು ಏನು ಮಾಡಬೇಕೆಂದು ಹೇಳಲು ನೀನು ಯಾರು? ನನ್ನ ಸಾಮಾಜಿಕ ಬದ್ಧತೆ ನನಗೆ ಗೊತ್ತಿದೆ. ನಾನು ನಟಿ, ರಾಜಕಾರಣಿಯಲ್ಲ. ನಿನ್ನ ಕೆಲಸ ನೀನು ನೋಡಿಕೋ. ನನ್ನ ತಂಟೆಗೆ ಬರಬೇಡ’ ಎಂದು ಸರಣಿ ಟ್ವೀಟ್ ಮೂಲಕ ವಾಗ್ದಾಳಿ ನಡೆಸಿದ್ದಾರೆ.