ಸ್ಯಾಂಡಲ್ ವುಡ್ ನಲ್ಲಿ ಕಾಣಿಸುತ್ತಿದೆ ಒಗ್ಗಟ್ಟಿನ ದರ್ಶನ

ಬೆಂಗಳೂರು: ಥಿಯೇಟರ್ ಗಳು ತೆರೆದು ಜನ ಸಿನಿಮಾ ವೀಕ್ಷಿಸಲು ಆರಂಭಿಸಿರುವುದರಿಂದ ಕನ್ನಡ ಚಿತ್ರರಂಗ ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದೆ. ಈ ಹಂತದಲ್ಲಿ ಸ್ಟಾರ್ ನಟರು ಒಬ್ಬರಿಗೊಬ್ಬರು ಬೆಂಬಲಿಸುತ್ತಾ ಸಿನಿಮಾ ಗೆಲ್ಲಿಸಲು ಒಗ್ಗಟ್ಟು ಪ್ರದರ್ಶಿಸುತ್ತಿದ್ದಾರೆ.

ಪ್ರಿ ರಿಲೀಸ್ ಈವೆಂಟ್ ಗಳಲ್ಲಿ ಒಬ್ಬ ಸ್ಟಾರ್ ನಟನ ಸಿನಿಮಾಗಳಿಗೆ ಇನ್ನೊಬ್ಬ ಸ್ಟಾರ್ ನಟ ಅತಿಥಿಯಾಗಿ ಬರುತ್ತಿರುವುದು ಒಳ್ಳೆಯ ಬೆಳವಣಿಗೆ. ಅದರ ಜೊತೆಗೆ ಸಾಮಾಜಿಕ ಜಾಲತಾಣಗಳಲ್ಲೂ ಇನ್ನೊಬ್ಬ ಸ್ಟಾರ್ ನಟನ ಸಿನಿಮಾ ಬಗ್ಗೆ ಒಳ್ಳೆ ಮಾತನಾಡಿ ಚಿತ್ರ ನೋಡುವಂತೆ ಕೇಳಿಕೊಳ್ಳುತ್ತಿದ್ದಾರೆ.

ಸದ್ಯದ ಮಟ್ಟಿಗೆ ಚಿತ್ರರಂಗಕ್ಕೆ ಇದು ಅನಿವಾರ್ಯ. ಎಲ್ಲಾ ಸಿನಿಮಾಗಳೂ ಒಟ್ಟಿಗೇ ತೆರೆಗೆ ಬರುತ್ತಿರುವಾಗ ಕಲಾವಿದರು ಪರಸ್ಪರ ಪ್ರೋತ್ಸಾಹ, ಬೆಂಬಲ ಕೊಟ್ಟರೆ ಮಾತ್ರ ಚಿತ್ರರಂಗ ಚೇತರಿಕೆ ಕಾಣಬಹುದು.