ಬೆಂಗಳೂರು: ಸ್ಯಾಂಡಲ್ ವುಡ್ ನಟರು ಕೇವಲ ಅಭಿನಯದಲ್ಲಿ ಮಾತ್ರವಲ್ಲ, ಹಾಡುವುದರಲ್ಲೂ ಎತ್ತಿದ ಕೈ ಎಂದು ನಿರೂಪಿಸಿದ್ದಾರೆ. ಡಾ.ರಾಜ್ ಕುಮಾರ್ ಅವರಿಗಿಂತ ದೊಡ್ಡ ಉದಾಹರಣೆ ಬೇಕೇ?
ಡಾ.ರಾಜ್ ಕುಮಾರ್, ಡಾ. ವಿಷ್ಣುವರ್ಧನ್ ಅನೇಕ ಹಾಡುಗಳನ್ನು ಹಾಡಿದ್ದಾರೆ. ಅದರಲ್ಲೂ ಡಾ.ರಾಜ್ ಕುಮಾರ್ ಕಂಠ ಸಿರಿ ಎಲ್ಲರಿಗೂ ಗೊತ್ತಿರುವುದೇ.
ಇವರ ಹೊರತಾಗಿ ಡಾ.ಪುನೀತ್ ರಾಜ್ ಕುಮಾರ್, ಶಿವರಾಜ್ ಕುಮಾರ್, ರಾಘವೇಂದ್ರ ರಾಜ್ ಕುಮಾರ್ ಕೂಡಾ ಚೆನ್ನಾಗಿ ಹಾಡುತ್ತಾರೆ. ಹಿರಿಯ ನಟ ಅಭಿಜಿತ್, ರವಿಶಂಕರ್ ಗೌಡ, ಶರಣ್, ಶ್ರೀಮುರಳಿ, ಕಿಚ್ಚ ಸುದೀಪ್, ವಸಿಷ್ಠ ಸಿಂಹ, ನೆನಪಿರಲಿ ಪ್ರೇಮ್ ಮುಂತಾದವರು ತಮ್ಮಲ್ಲಿ ಗಾಯನ ಪ್ರತಿಭೆಯೂ ಇದೆ ಎಂದು ಸಾಬೀತುಪಡಿಸಿದ್ದಾರೆ. ಅಷ್ಟೇ ಏಕೆ ರಾಕಿಂಗ್ ಸ್ಟಾರ್ ಯಶ್ ಕೂಡಾ ತಮ್ಮ ಸಿನಿಮಾಗೆ ಹಾಡಿ ಫೇಮಸ್ ಆಗಿದ್ದರು.
ಈ ಪೈಕಿ ಡಾ.ರಾಜ್ ಕುಮಾರ್, ಡಾ. ಪುನೀತ್ ರಾಜ್ ಕುಮಾರ್, ಶರಣ್, ಶ್ರೀಮುರಳಿ, ವಸಿಷ್ಠ ಸಿಂಹ ಬೇರೆಯವರ ಸಿನಿಮಾಗಳಿಗೂ ಹಾಡಿ ಹಿಟ್ ಆಗಿದ್ದರು. ಹಿರಿಯ ನಟ ಅಭಿಜಿತ್, ರವಿಶಂಕರ್ ಗೌಡ ಖಾಸಗಿ ವಾಹಿನಿಯೊಂದಕ್ಕೆ ಒಂದು ಕಾಲದಲ್ಲಿ ಹಾಡಿನ ಕಾರ್ಯಕ್ರಮವನ್ನೇ ಮಾಡುತ್ತಿದ್ದರು. ಇವರೆಲ್ಲಾ ನಟನೆ ಜೊತೆಗೆ ಗಾಯಕರಾಗಿಯೂ ತಾವು ಅತ್ಯುತ್ತಮ ಎಂದು ನಿರೂಪಿಸಿದವರು.
