ಸಲಾರ್: ಬಾಕ್ಸ್ ಆಫೀಸ್ ದಾಖಲೆ ಉಡೀಸ್ ಮಾಡಿದ ಪ್ರಭಾಸ್

ಹೈದರಾಬಾದ್: ಸಲಾರ್ ಸಿನಿಮಾ ಮೊದಲ ದಿನವೇ 100 ಕೋಟಿ ಪ್ಲಸ್ ಗಳಿಕೆ ಮಾಡುವ ಮೂಲಕ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಪುಡಿಗಟ್ಟಿದೆ.

ಜೊತೆಗೆ ರೆಬಲ್ ಸ್ಟಾರ್ ಪ್ರಭಾಸ್ ಕೂಡಾ ದಾಖಲೆ ಮಾಡಿದ್ದಾರೆ. ಪ್ರಭಾಸ್ ಅಭಿನಯದ ಎರಡು ಸಿನಿಮಾಗಳು ಒಂದೇ ವರ್ಷ ಮೊದಲ ದಿನವೇ 100 ಕೋಟಿ ಕ್ಲಬ್ ಸೇರಿದ ದಾಖಲೆಯಾಗಿದೆ. ಇದಕ್ಕೆ ಮೊದಲು ಆದಿಪುರುಷ್ ಕೂಡಾ 100 ಕೋಟಿ ಗಳಿಕೆ ಮಾಡಿತ್ತು.

ಇದೀಗ ಸಲಾರ್ ಮೊದಲ ದಿನವೇ 178 ಕೋಟಿ ಗಳಿಕೆ ಮಾಡುವ ಹಿಂದಿನ ಎಲ್ಲಾ ದಾಖಲೆಗಳನ್ನೂ ಅಳಿಸಿಹಾಕಿದೆ. ಆ ಮೂಲಕ ಕೆಜಿಎಫ್ 2 ಮೊದಲ ದಿನ ಮಾಡಿದ ಗಳಿಕೆಯ ದಾಖಲೆಯನ್ನೂ ಹಿಂದಿಕ್ಕಿದೆ.

ಬಾಲಿವುಡ್ ನ ಡಂಕಿ ಸಿನಿಮಾ ಜೊತೆ ಪೈಪೋಟಿ ನಡೆಸಿದ ಸಲಾರ್ ಭರ್ಜರಿಯಾಗಿ ಗೆದ್ದು ಬೀಗಿದೆ. ಕೆಜಿಎಫ್ 2 ಮಾತ್ರವಲ್ಲ, ಆರ್ ಆರ್ ಆರ್ ಸಿನಿಮಾ ಕೂಡಾ ಮೊದಲ ದಿನ ಇಷ್ಟು ಗಳಿಕೆ ಮಾಡಿರಲಿಲ್ಲ. ಆ ಮೂಲಕ ಸಲಾರ್ ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾ ಸಾಲಿಗೆ ಸೇರಿದೆ.