ಸುಳ್ಳು ಸುದ್ದಿಯನ್ನೇ ನಿಜ ಮಾಡಿದ್ರು ರಾಕಿಂಗ್ ಸ್ಟಾರ್ ಯಶ್!

ಬೆಂಗಳೂರು: ಕೆಜಿಎಫ್ ಕ್ರೇಜ್ ನಲ್ಲಿ ಮುಳುಗಿದ್ದಾಗ ರಾಕಿಂಗ್ ಸ್ಟಾರ್ ಯಶ್ ಮುಂದೆ ‘ಬಾಹುಬಲಿ’ ಖ್ಯಾತಿಯ ರಾಜಮೌಳಿ ಜತೆ ಸಿನಿಮಾ ಮಾಡುತ್ತಾರೆ ಎಂದೆಲ್ಲಾ ಸುಳ್ಳು ಸುದ್ದಿ ಹರಿದುಬಂದಿತ್ತು.

ಕೊನೆಗೆ ಸ್ವತಃ ಯಶ್ ಆ ಸುದ್ದಿ ಎಲ್ಲಾ ಸುಳ್ಳು. ನಾನು ರಾಜಮೌಳಿ ಜತೆ ಸಿನಿಮಾ ಮಾಡುತ್ತಿಲ್ಲ. ಈ ಸುದ್ದಿಗಳನ್ನೆಲ್ಲಾ ನಂಬಬೇಡಿ ಎಂದು ಸಾಮಾಜಿಕ ಜಾಲತಾಣಗಳ ಮೂಲಕ ಮನವಿ ಮಾಡಿದ್ದರು.

ಆದರೆ ಈಗ ಮತ್ತೆ ಯಶ್ ರಾಜಮೌಳಿ ಜತೆ ಕಾಣಿಸಿಕೊಳ್ಳುವ ಸುದ್ದಿ ಬಂದಿದೆ. ಈ ಬಾರಿ ಇದು ಸುಳ್ಳಲ್ಲ, ನಿಜವಾದ ಸುದ್ದಿ. ಆದರೆ ರಾಜಮೌಳಿ ಜತೆ ಯಶ್ ಸಿನಿಮಾ ಮಾಡುತ್ತಿಲ್ಲ, ಬದಲಾಗಿ ವೇದಿಕೆ ಹಂಚಿಕೊಳ್ಳುತ್ತಿದ್ದಾರೆ. ಯಶ್ ಅಭಿನಯ ಕೆಜಿಎಫ್ ಸಿನಿಮಾದ ಪ್ರಿರಿಲೀಸ್ ಈವೆಂಟ್ ಡಿಸೆಂಬರ್ 9 ರಂದು ಹೈದರಾಬಾದ್ ನಲ್ಲಿ ನಡೆಯಲಿದ್ದು, ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ರಾಜಮೌಳಿ ಆಗಮಿಸುತ್ತಿದ್ದಾರೆ. ಹೀಗಾಗಿ ಯಶ್-ರಾಜಮೌಳಿ ವೇದಿಕೆ ಹಂಚಿಕೊಳ್ಳುತ್ತಿರುವುದು ಕನ್ ಫರ್ಮ್ ಆಗಿದೆ.

ಯಶ್ ಇಂತಹದ್ದೊಂದು ಸುದ್ದಿಯನ್ನು ಪ್ರಕಟಿಸಿದ್ದೇ ತಡ, ಅಭಿಮಾನಿಗಳು ಭಾರೀ ಖುಷಿಯಾಗಿದ್ದು, ಒಂದು ವೇಳೆ ಕೆಜಿಎಫ್ ನೋಡಿ ಇಂಪ್ರೆಸ್ ಆಗಿ ನಿಮ್ಮ ಜತೆ ಸಿನಿಮಾ ಮಾಡ್ತೀನಿ ಎಂದು ರಾಜಮೌಳಿ ಹೇಳಿದರೆ ಛಾನ್ಸ್ ಬಿಡಬೇಡಿ ಸಾರ್.. ಎಂದು ಪುಕ್ಸಟೆ ಸಲಹೆಯನ್ನು ಕೊಟ್ಟಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ