ಹಳೇ ನಿರ್ದೇಶಕನ ಆಸೆ ಪೂರೈಸಿದ ರಾಕಿಂಗ್ ಸ್ಟಾರ್ ಯಶ್

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ತಮ್ಮ ಗೆಳೆಯರ ಬಳಗವನ್ನು ಯಾವತ್ತೂ ಬಿಟ್ಟುಕೊಡಲ್ಲ. ಇದೀಗ ತಮ್ಮ ಸೂಪರ್ ಹಿಟ್ ಚಿತ್ರ ಮಿಸ್ಟರ್ ಆಂಡ್ ಮಿಸೆಸ್ ರಾಮಚಾರಿ ಸಿನಿಮಾದ ಸಹ ನಿರ್ದೇಶಕರ ಆಸೆ ಪೂರೈಸಿದ್ದಾರೆ.

ಮೈಸೂರಿನಲ್ಲಿ ರಾಕಿಂಗ್ ಸ್ಟಾರ್ ಯಶ್ ಕೆಜಿಎಫ್ 2 ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಈ  ನಡುವೆ ರಾಮಚಾರಿ ಸಿನಿಮಾದ ಸಹ ನಿರ್ದೇಶಕ ಅನಿಲ್ ಹೊಸ ಕಾರಿನೊಂದಿಗೆ ಬಂದಿದ್ದು, ಯಶ್ ಅವರೇ ಮೊದಲ ಬಾರಿಗೆ ಕಾರು ಚಲಾಯಿಸಬೇಕು ಎಂದು ಆಸೆಪಟ್ಟಿದ್ದಾರೆ.

ಗೆಳೆಯನ ಆಸೆ ಪೂರೈಸುವ ಸಲುವಾಗಿ ಯಶ್ ಬಿಡುವಿನ ವೇಳೆಯಲ್ಲಿ ಪಕ್ಕದಲ್ಲೇ ಅನಿಲ್ ರನ್ನು ಕೂರಿಸಿಕೊಂಡು ಹೊಸ ಕಾರು ಚಲಾಯಿಸಿ ಖುಷಿ ನೀಡಿದ್ದಾರೆ.