ಐರಾ ಯಶ್ ಅದ್ಧೂರಿ ಬರ್ತ್ ಡೇಯಲ್ಲಿ ಸ್ಯಾಂಡಲ್ ವುಡ್ ಘಟಾನುಘಟಿಗಳು

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ತಮ್ಮ ಮೊದಲ ಮಗಳು ಐರಾ ಯಶ್ ಮೊದಲನೇ ವರ್ಷದ ಹುಟ್ಟುಹಬ್ಬವನ್ನು ಭರ್ಜರಿಯಾಗಿಯೇ ಆಚರಿಸಿಕೊಂಡಿದ್ದಾರೆ.

ನಿನ್ನೆ ಸಂಜೆ ನಡೆದ ಪಾರ್ಟಿಯಲ್ಲಿ ಸ್ಯಾಂಡಲ್ ವುಡ್ ನಟ-ನಟಿಯರ ದಂಡೇ ಹರಿದುಬಂದಿತ್ತು. ಕಾರ್ನಿವಲ್ ಥೀಮ್ ಪಾರ್ಟಿಯಲ್ಲಿ ಐರಾ ಮೂಲಕ ಬೃಹತ್ ಗಾತ್ರದ ಕೇಕ್ ಕಟ್ ಮಾಡಿಸಲಾಯಿತು. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್, ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಭಾರತಿ ವಿಷ್ಣುವರ್ಧನ್, ಸುಮಲತಾ ಅಂಬರೀಶ್, ಧ್ರುವ ಸರ್ಜಾ, ಮುಂತಾದ ಘಟಾನುಘಟಿ ನಟ-ನಟಿಯರೇ ಪಾರ್ಟಿಗೆ ಆಗಮಿಸಿ ಮುದ್ದು ಐರಾಗೆ ಶುಭ ಹಾರೈಸಿದ್ದಾರೆ.