ಬೆಂಗಳೂರು: ಸ್ಯಾಂಡಲ್ ವುಡ್ ನ ಪ್ರತಿಭಾವಂತ ನಟ ಪ್ರಮೋದ್ ಶೆಟ್ಟಿ ಸಂಪೂರ್ಣ ನಾಯಕರಾಗಿ ಅಭಿನಯಿಸಲಿರುವ ಚಿತ್ರ ‘ಲಾಫಿಂಗ್ ಬುದ್ಧ’. ಈ ಸಿನಿಮಾವನ್ನು ಅವರ ಗೆಳೆಯ ರಿಷಬ್ ಶೆಟ್ಟಿ ನಿರ್ಮಿಸಲಿದ್ದಾರೆ.
ಪ್ರಮೋದ್ ಇದುವರೆಗೆ ಹಲವು ರೀತಿಯ ಪಾತ್ರ ಮಾಡಿದ್ದಾರೆ. ಆದರೆ ಈ ಸಿನಿಮಾದ ಫಸ್ಟ್ ಲುಕ್ ನೋಡಿದರೆ ಅವರು ಎಂಥಾ ಡಿಫರೆಂಟ್ ಗೆಟಪ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಗೊತ್ತಾಗುತ್ತದೆ. ಲಾಫಿಂಗ್ ಬುದ್ಧನ ರೀತಿ ವಿಪರೀತ ದೇಹ ಬೆಳೆಸಿಕೊಂಡು ಪೊಲೀಸ್ ಅಧಿಕಾರಿಯ ದಿರಿಸಿನಲ್ಲಿರುವ ಪ್ರಮೋದ್ ಲುಕ್ ಗಮನ ಸೆಳೆಯುವಂತಿದೆ. ಸದ್ಯದಲ್ಲೇ ಈ ಸಿನಿಮಾದ ಶೂಟಿಂಗ್ ಪ್ರಾರಂಭವಾಗಲಿದೆ. ರಿಷಬ್ ನಿರ್ಮಾಣದ ಸಿನಿಮಾವನ್ನು ಎಂ. ಭರತ್ ರಾಜು ನಿರ್ದೇಶಿಸಲಿದ್ದಾರೆ.