ಅವನೇ ಶ್ರೀಮನ್ನಾರಾಯಣ ಪಾತ್ರದ ಹೆಸರನ್ನೇ ಸಿನಿಮಾ ಟೈಟಲ್ ಮಾಡಿದ ರಿಷಬ್ ಶೆಟ್ಟಿ

ಬೆಂಗಳೂರು: ಗೆಳೆಯ ರಕ್ಷಿತ್ ಶೆಟ್ಟಿ ಅಭಿನಯದ ಅವನೇ ಶ್ರೀಮನ್ನಾರಾಯಣ ಸಿನಿಮಾದಲ್ಲಿ ಕೌ ಬಾಯ್ ಕೃಷ್ಣ ಎಂಬ ಹೆಸರಿನ ಅತಿಥಿ ಪಾತ್ರ ಮಾಡಿದ್ದ ರಿಷಬ್ ಶೆಟ್ಟಿ ಅದನ್ನೇ ಸಿನಿಮಾ ಟೈಟಲ್ ಮಾಡಿದ್ದಾರೆ.

ಆ ಪಾತ್ರದ ಹೆಸರು, ಪಾತ್ರ ಸಿನಿಮಾದಲ್ಲಿ ಗಮನ ಸೆಳೆದಿತ್ತು. ಡಿಟೆಕ್ಟಿವ್ ದಿವಾಕರನ ವೇಷದಲ್ಲಿ ರಿಷಬ್ ಶೆಟ್ಟಿ ಕೌ ಬಾಯ್ ಕೃಷ್ಣನಾಗಿ ಅವನೇ ಶ್ರೀಮನ್ನಾರಾಯಣದಲ್ಲಿ ಕಾಣಿಸಿಕೊಂಡಿದ್ದರು. ಆ ಹೆಸರು ಶೆಟ್ಟರಿಗೆ ಭಾರೀ ಇಷ್ಟವಾಗಿತ್ತು. ಇದೇ ಹೆಸರಿಟ್ಟುಕೊಂಡು ಸಿನಿಮಾ ಮಾಡುವುದಾಗಿ ರಿಷಬ್ ಶೆಟ್ಟಿ ಈ ಮೊದಲು ಹೇಳಿದ್ದರು.

ಅದರಂತೇ ಈಗ ಕೌ ಬಾಯ್ ಕೃಷ್ಣ ಎಂಬ ಟೈಟಲ್ ನ್ನು ಫಿಲಂ ಚೇಂಬರ್ ನಲ್ಲಿ ರಿಜಿಸ್ಟರ್ ಮಾಡಿಕೊಂಡಿದ್ದಾರೆ. ಮುಂದೊಂದು ದಿನ ಈ ಟೈಟಲ್ ಇಟ್ಟುಕೊಂಡು ರಿಷಬ್ ಸಿನಿಮಾ ಮಾಡುವುದು ಖಚಿತವಾಗಿದೆ.