ರೇಣುಕಾಸ್ವಾಮಿ ಮರ್ಡರ್ ಕೇಸ್: ದರ್ಶನ್ ಆಂಡ್ ಗ್ಯಾಂಗ್ ಕೂದಲು ಮ್ಯಾಚ್

ಬೆಂಗಳೂರು: ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ದರ್ಶನ್ ಆಂಡ್ ಗ್ಯಾಂಗ್ ವಿರುದ್ಧ ಪೊಲೀಸರಿಗೆ ಮತ್ತೊಂದು ಪ್ರಬಲ ಸಾಕ್ಷ್ಯ ಸಿಕ್ಕಿದೆ. ರೇಣುಕಾಸ್ವಾಮಿ ಕೊಂಡೊಯ್ದಿದ್ದ ವಾಹನದಲ್ಲಿದ್ದ ಕೂದಲು ದರ್ಶನ್ ಆಂಡ್ ಗ್ಯಾಂಗ್ ಕೂದಲಿಗೆ ಮ್ಯಾಚ್ ಆಗಿದೆ. ಇದರಿಂದ ಡಿ ಬಾಸ್ ಗ್ಯಾಂಗ್ ಗೆ ಮತ್ತೊಂದು ಸಂಕಷ್ಟ ಎದುರಾಗಿದೆ.

ದರ್ಶನ್ ಆಂಡ್ ಗ್ಯಾಂಗ್ ಹಲ್ಲೆ ನಡೆಸಿದ್ದ ಪಟ್ಟಣಗೆರೆ ಶೆಡ್ ನಿಂದ ಪೊಲೀಸರು ಹಲವು ಸಾಕ್ಷ್ಯಗಳನ್ನು ಪಡೆದುಕೊಂಡಿದ್ದರು. ಅವೆಲ್ಲವನ್ನೂ ಎಫ್ಎಸ್ಎಲ್ ಪರೀಕ್ಷೆಗೆ ಕಳುಹಿಸಿದ್ದರು. ಅಲ್ಲದೆ, ಅವರ ಬಟ್ಟೆ, ಶವ ಬಿಸಾಕಿದ ಗಾಡಿಯಲ್ಲಿ ಮತ್ತು ಸ್ಥಳದಲ್ಲಿದ್ದ ಕೂದಲು ಮಾದರಿಯನ್ನು ತೆಗೆದುಕೊಂಡು ಆರೋಪಿಗಳ ಕೂದಲಿಗೆ ಮ್ಯಾಚ್ ಆಗುತ್ತದೆಯೇ ಎಂದು ನೋಡಲು ಡಿಎನ್ಎ ಪರೀಕ್ಷೆಗೊಳಪಡಿಸಲಾಗಿತ್ತು.

ಇದೀಗ ಡಿಎನ್ ಎ ಪರೀಕ್ಷೆಯಲ್ಲಿ ರೇಣುಕಾಸ್ವಾಮಿ ಮೃತದೇಹ ಕರೆದೊಯ್ದಿದ್ದ ವಾಹನದಲ್ಲಿದ್ದ ಕೂದಲು ಡಿ ಗ್ಯಾಂಗ್ ನದ್ದೇ ಎಂಬುದು ಖಚಿತವಾಗಿದೆ. ಇದರೊಂದಿಗೆ ಡಿ ಗ್ಯಾಂಗ್ ವಿರುದ್ಧ ಪೊಲೀಸರಿಗೆ ಮತ್ತೊಂದು ಪ್ರಬಲ ಸಾಕ್ಷ್ಯ ಸಿಕ್ಕಂತಾಗಿದೆ. ಈ ಸಾಕ್ಷ್ಯ ಕೇಸ್ ಗೆ ಇನ್ನಷ್ಟು ಬಲ ತುಂಬಲಿದೆ.

ಈಗಾಗಲೇ ಎಫ್ಎಸ್ಎಲ್ ವರದಿಯಲ್ಲಿ ದರ್ಶನ್ ಬಟ್ಟೆ, ಪವಿತ್ರಾ ಗೌಡ ಚಪ್ಪಲಿ, ಡಿ ಗ್ಯಾಂಗ್ ಸೇವಿಸಿದ್ದ ಬಿಯರ್ ಬಾಟಲಿಯಲ್ಲಿದ್ದ ರಕ್ತದ ಕಲೆ ರೇಣುಕಾಸ್ವಾಮಿ ರಕ್ತದ ಮಾದರಿಗೆ ಮ್ಯಾಚ್ ಆಗಿತ್ತು. ಇದೀಗ ಡಿಎನ್ ಎ ವರದಿಯಲ್ಲೂ ಡಿ ಗ್ಯಾಂಗ್ ಪಾತ್ರವಿರುವುದು ಸಾಬೀತಾಗಿದೆ.