ಹನುಮಾನ್ ಸಿನಿಮಾ ಪೋಸ್ಟರ್ ಮುಂದೆ ಶೂ ಬಿಚ್ಚಿ ನಿಂತ ನಟ ರಾಣಾ ದಗ್ಗುಬಟ್ಟಿ

ಹೈದರಾಬಾದ್: ಥಿಯೇಟರ್ ನಲ್ಲಿ ಭರ್ಜರಿ ಗಳಿಕೆ ಮಾಡುತ್ತಿರುವ ಹನುಮಾನ ಸಿನಿಮಾವನ್ನು ನಟ ರಾಣಾ ದಗ್ಗುಬಟ್ಟಿ ವೀಕ್ಷಿಸಿದ್ದಾರೆ.

ರಾಣಾ ದಗ್ಗುಬಟ್ಟಿ ಸಿನಿಮಾ ನೋಡಲು ಬಂದಾಗ ಪಪ್ಪರಾಜಿಗಳು ಅವರ ಬಳಿ ಫೋಟೋಗೆ ಮನವಿ ಮಾಡಿದ್ದಾರೆ. ವಿಶೇಷವೆಂದರೆ ಆಗ ರಾಣಾ ನಡೆದುಕೊಂಡ ರೀತಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.

ಥಿಯೇಟರ್ ಬಳಿ ಹಾಕಲಾಗಿದ್ದ ಹನುಮಾನ್ ಕಟೌಟ್ ಬಳಿ ರಾಣಾ ಫೋಟೋಗೆ ಪೋಸ್ ನೀಡಬೇಕಿತ್ತು. ಆದರೆ ಕಟೌಟ್ ಬಳಿ ನಿಲ್ಲುವಾಗ ತಮ್ಮ ಶೂ ಬಿಚ್ಚಿ ಆಂಜನೇಯ ಸ್ವಾಮಿಗೆ ಗೌರವ ಸಲ್ಲಿಸಿದ್ದಾರೆ. ಅವರ ಈ ವರ್ತನೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಬಾಲಿವುಡ್ ನಟರಿಗೂ ದಕ್ಷಿಣ ಭಾರತದ ನಟರಿಗೂ ಇರುವ ವ್ಯತ್ಯಾಸ ಇದುವೇ. ಧರ್ಮ, ದೇವರುಗಳಿಗೆ ಗೌರವ ಕೊಡುವ ಕಾರಣಕ್ಕೇ ದಕ್ಷಿಣದ ಸಿನಿಮಾಗಳು ಇಂದು ಗೆಲ್ಲುತ್ತಿವೆ ಎಂದು ನೆಟ್ಟಿಗರು ಹೊಗಳಿದ್ದಾರೆ.