ಬೆಂಗಳೂರು: ನಟಿ ರಮ್ಯಾ ಸ್ಯಾಂಡಲ್ ವುಡ್ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳದೇ ಇರಬಹುದು. ಆದರೆ ಸಿನಿಮಾ ಮಂದಿಯೊಂದಿಗೆ ತಮ್ಮ ನಂಟು ಇಟ್ಟುಕೊಂಡಿದ್ದಾರೆ.
ಇದೀಗ ಒಟಿಟಿಯಲ್ಲಿ ಬಿಡುಗಡೆಯಾಗಿರುವ ಡಾಲಿ ಧನಂಜಯ್ ನಾಯಕರಾಗಿರುವ ರತ್ನನ್ ಪ್ರಪಂಚ ಸಿನಿಮಾ ವೀಕ್ಷಿಸಿದ ರಮ್ಯಾ ಸಿನಿಮಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಸಿನಿಮಾದಲ್ಲಿ ನಾಯಕಿಯಾಗುವಂತೆ ತಮ್ಮನ್ನು ಮೊದಲು ಚಿತ್ರತಂಡ ಸಂಪರ್ಕಿಸಿತ್ತು. ಆದರೆ ನಾನು ಒಪ್ಪಿರಲಿಲ್ಲ ಎಂದೂ ರಮ್ಯಾ ಹೇಳಿದ್ದಾರೆ.
ಸಿನಿಮಾ ವೀಕ್ಷಿಸಿದ ಬಳಿಕ ತಮ್ಮ ಅಭಿಪ್ರಾಯ ಹಂಚಿಕೊಂಡ ರಮ್ಯಾ, ಒಂದು ಈ ವೇಳೆ ಈ ಸಿನಿಮಾದಲ್ಲಿ ನಟಿಸಲು ನಾನು ಒಪ್ಪಿಕೊಂಡಿದ್ದರೆ ರೆಬಾ ಮೊನಿಕಾ ಸಿನಿಮಾ ಪದಾರ್ಪಣೆಗೆ ನಾನೇ ಅಡ್ಡಗಾಲು ಹಾಕಿದಂತಾಗುತ್ತಿತ್ತು ಎಂದಿದ್ದಾರೆ. ರತ್ನನ್ ಪ್ರಪಂಚ ಸಿನಿಮಾದಲ್ಲಿ ನಾಯಕಿ ಪಾತ್ರ ಮಾಡಿದ ನವ ನಟಿ ರೆಬಾ ಮೊನಿಕಾ ಅಭಿನಯವನ್ನು ರಮ್ಯಾ ಕೊಂಡಾಡಿದ್ದಾರೆ. ನವ ನಟಿಯಾದರೂ ಮನೋಜ್ಞ ಅಭಿನಯ ನೀಡಿದ್ದಾರೆ.
