ಬೆಂಗಳೂರು: ನಟ, ನಿರ್ದೇಶಕ ರಕ್ಷಿತ್ ಶೆಟ್ಟಿ ಹೊಸ ಸಿನಿಮಾ ಟ್ರೇಲರ್ ಬಿಡುಗಡೆಯಾದ ಬಗ್ಗೆ ಈಗಾಗಲೇ ಓದಿದ್ದೀರಿ. “ಕಿರಿಕ್ ಪಾರ್ಟಿ” ಎನ್ನುವ ಈ ಚಿತ್ರದ ಟ್ರೇಲರ್ ಈಗಾಗಲೇ ಹಿಟ್ ಆಗಿದೆ.
ಆದರೆ ಈ ಕಿರಿಕ್ ಪಾರ್ಟಿ ಕತೆ ಎಲ್ಲಿಂದ ಹುಟ್ಟಿಕೊಂಡಿದ್ದು ಎಂಬುದನ್ನು ಸ್ವತಃ ಶೆಟ್ಟಿ ಹೇಳಿಕೊಂಡಿದ್ದಾರೆ. ಇದು ಅವರ ಕಾಲೇಜು ದಿನಗಳಿಂದ ಪ್ರಭಾವಿತನಾಗಿ ಬರೆದ ಕತೆಯಂತೆ.
ನಿಟ್ಟೆಯಲ್ಲಿ ಇಂಜಿನಿಯರಿಂಗ್ ಓದುತ್ತಿದ್ದಾಗ ಸಮಾನ ಮನಸ್ಕರ ಗ್ಯಾಂಗ್ ಇತ್ತಂತೆ. ಅವರೆಲ್ಲಾ ಉಪೇಂದ್ರ ಅಭಿನಯದ ಎ ಚಿತ್ರ ನೋಡಿ ಉಪ್ಪಿ ಫ್ಯಾನ್ ಆಗಿ ಬಿಟ್ಟರಂತೆ. ನಂತರ ಉಪ್ಪಿ ಅಭಿಮಾನಿಗಳ ಸಂಘವನ್ನೂ ಸ್ಥಾಪಿಸಿದರಂತೆ.
ಹೀಗೇ ಕಾಲೇಜಿನಲ್ಲಿ ಮಾಡಿದ ಮಜಾ ದಿನಗಳಿಂದ ಪ್ರಭಾವ ಪಡೆದು ಕಿರಿಕ್ ಪಾರ್ಟಿ ಕತೆ ಬರೆದಿದ್ದಾಗಿ ರಕ್ಷಿತ್ ಹೇಳಿಕೊಂಡಿದ್ದಾರೆ. ಕಿರಿಕ್ ಪಾರ್ಟಿ ಟ್ರೇಲರ್ ನೋಡಿದ ವೀಕ್ಷಕರು ಚಿತ್ರ ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಈ ಯೂಥ್ ಫುಲ್ ಸಿನಿಮಾಗೆ ಪ್ರೇಕ್ಷಕರು ಹರಿದು ಬರುವುದಂತೂ ಖಂಡಿತಾ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
