ಬೆಂಗಳೂರು: ಜೀ ಕನ್ನಡ ಚಾನೆಲ್ ನಲ್ಲಿ ಪ್ರಸಾರವಾಗುತ್ತಿರುವ ಕಾಮಿಡಿ ಕಿಲಾಡಿಗಳು ರಿಯಾಲಿಟಿ ಶೋ ನಲ್ಲಿ ನಟ ಜಗ್ಗೇಶ್ ತಮ್ಮ ಜೀವನದ ಸತ್ಯವೊಂದನ್ನು ಬಿಚ್ಚಿಟ್ಟಿದ್ದಾರೆ.
ದೀಪಾವಳಿ ಸಂದರ್ಭದಲ್ಲಿ ಹಿಂದೆ ಅವರು ತುಂಬಾ ಪಟಾಕಿ ಹಚ್ಚುತ್ತಿದ್ದರಂತೆ. ಹೀಗೆ ಇದೇ ಸಂದರ್ಭದಲ್ಲಿ ಅವರ ಮನೆಯಲ್ಲಿ ಒಂದು ನಾಯಿ ಮರಿ ಇತ್ತಂತೆ. ಅದ್ಯಾಕೋ ಇದ್ದಕ್ಕಿದ್ದಂತೆ ತೀರಾ ಅನಾರೋಗ್ಯಕ್ಕೆ ತುತ್ತಾಯಿತಂತೆ.
ಅದೇನಾಯಿತು ಎಂದು ವೈದ್ಯರ ಬಳಿ ಅದನ್ನು ಎತ್ತಿಕೊಂಡು ತೋರಿಸಿದಾಗ ವೈದ್ಯರು ಪಟಾಕಿ ಸದ್ದಿಗೆ ಹಿಗಾಗಿದ್ದು. ಬೇರೆನೂ ಇಲ್ಲ. ನಾಯಿಗಳ ಕಿವಿ ತುಂಬಾ ಚುರುಕು. ಅವಕ್ಕೆ ಪಟಾಕಿ ಸದ್ದು ಆಗಿ ಬರಲ್ಲ ಎಂದರಂತೆ.
ಅದೇ ಕೊನೆ. ಜಗ್ಗೇಶ್ ಮನೆಯಲ್ಲಿ ಯಾರೂ ಪಟಾಕಿ ಹಚ್ಚುವುದನ್ನೇ ಬಿಟ್ಟರಂತೆ. ಹಾಗೇ ಸದ್ದು ಮಾಡುವ ಪಟಾಕಿ ಹಚ್ಚುವ ಎಲ್ಲರಿಗೂ ಶಬ್ಧ ಮಾಲಿನ್ಯ ಮಾಡಬೇಡಿ ಎಂದೂ ನವರಸನಾಯಕ ಬೇಡಿಕೊಳ್ಳುತ್ತಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
