ಈ ಬಾಷಾ ಒಂದ್ಸಲ ಹೇಳಿದರೆ ನೂರು ಸಲ ಹೇಳ್ದಂಗೆ’ ಎಂದು ಸೂಪರ್ ಸ್ಟಾರ್ ರಜನಿಕಾಂತ್ ಡೈಲಾಗ್ ಹೇಳುತ್ತಿದ್ದರೆ ಥಿಯೇಟರ್ ಚಾವಣಿ ಹಾರಿಹೋವಷ್ಟು ಶಿಳ್ಳೆಗಳ ಸುರಿಮಳೆಯಾಗುತ್ತಿತ್ತು. ಫ್ಲ್ಯಾಶ್‌ಬ್ಯಾಕ್‌ನಲ್ಲಿ ರಜನಿ ತನ್ನ ನಟನಾ ವಿಶ್ವರೂಪ ತೋರಿಸುವುದರೊಂದಿಗೆ ನಮ್ಮ ದೇಶದಲ್ಲಷ್ಟೇ ಅಲ್ಲ ವಿದೇಶದಲ್ಲಿನ ಥಿಯೇಟರ್‌ಗಳಲ್ಲೂ ಜನ ಮುಗಿಬಿದ್ದು ನೋಡಿದ್ದರು.
ಅಲ್ಲಿಂದಲೇ ಶುರುವಾಗಿದ್ದು ಕಥಾನಾಯಕನಿಗೆ ಪವರ್‌‍ಫುಲ್ ಫ್ಲ್ಯಾಶ್‌ಬ್ಯಾಕ್ ಜೋಡಿಸುವ ವ್ಯವಸ್ಥೆ. ’ತಲೈವಾ’ ವೃತ್ತಿಜೀವನದಲ್ಲಿ ಅತ್ಯಂತ ಸ್ಟೈಲಿಶ್ ಸಿನಿಮಾ ಎಂದು ಭಾವಿಸಿರುವ ಅಭಿಮಾನಿಗಳ ಮುಂದೆ ಹೊಸ ರೂಪದಲ್ಲಿ ಮತ್ತೆ ಬಾಷಾ ಬರುತ್ತಿದ್ದಾನೆ.
ಇಂದಿನ ಲೇಟೆಸ್ಟ್ ತಂತ್ರಜ್ಞಾನ ಬಳಸಿಕೊಂಡು ಡಿಜಿಟಲೈಜ್ ಮಾಡಿದ ರೀಮಾಸ್ಟರ್ಡ್ ಬಾಷಾ ಚಿತ್ರವನ್ನು ಶೀಘ್ರದಲ್ಲೇ ಥಿಯೇಟರ್‌‍ಗಳಿಗೆ ಬಿಡುಗಡೆ ಮಾಡಲಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಿನಿಮಾಗೆ ಸಂಬಂಧಿಸಿದ ಟ್ರೇಲರ್ ರಿಲೀಸ್ ಆಗಿದೆ. ಅದರಲ್ಲೂ ದೇವಾ ಅವರ ಸಂಗೀತ ಪ್ರಮುಖ ಹೈಲೈಟ್.
ಅದೇ ಬಾಷಾ ಚಿತ್ರವನ್ನು ಡಿಟಿಎಸ್ 5.1 ಸರೌಂಡ್ ಸೌಂಡ್ ಫಾರ್ಮಾಟ್‍ಗೆ ಬದಲಾಯಿಸಿ ಇನ್ನಷ್ಟು ಪರಿಣಾಮಕಾರಿಯಾಗಿದ್ದು ಪ್ರೇಕ್ಷಕರನ್ನು ರಂಜಿಸಲಿದೆ. ಸುರೇಶ್ ಕೃಷ್ಣ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರ 1995ರಲ್ಲಿ ಬಿಡುಗಡೆಯಾಗಿ ಸೂಪರ್ ಹಿಟ್ ಎನ್ನಿಸಿಕೊಂಡಿದೆ. ಇದೀಗ ಡಿಜಿಟಲೈಜೇಷನ್ ರೂಪದಲ್ಲಿ ಮತ್ತೆ ಬಿಡುಗಡೆಯಾಗುತ್ತಿರುವುದು ರಜನಿ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಕೆರಳಿಸಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
