ಅಪ್ಪನ ನೆರಳಲ್ಲಿ ಬದುಕುವುದು ಇಷ್ಟವಿರಲಿಲ್ಲ: ಆರ್. ಮಾಧವನ್ ಪುತ್ರ ವೇದಾಂತ್

ಮುಂಬೈ: ಇತ್ತೀಚೆಗೆ ಡ್ಯಾನಿಶ್ ಓಪನ್ ನಲ್ಲಿ ಈಜು ಸ್ಪರ್ಧೆಯಲ್ಲಿ ಭಾರತಕ್ಕೆ ಚಿನ್ನದ ಪದಕ ಗೆದ್ದು ತಂದುಕೊಟ್ಟ ನಟ ಆರ್. ಮಾಧವನ್ ಪುತ್ರ ವೇದಾಂತ್ ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿದ್ದಾರೆ.

ಸಾಮಾನ್ಯವಾಗಿ ಸ್ಟಾರ್ ನಟರ ಮಕ್ಕಳು, ತಾವೂ ಬಣ್ಣದ ಲೋಕಕ್ಕೆ ಬರುತ್ತಾರೆ. ಆದರೆ ವೇದಾಂತ್ ಮಾತ್ರ ಕ್ರೀಡೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಮುಂದಿನ ಒಲಿಂಪಿಕ್ಸ್ ನಲ್ಲಿ ಭಾರತವನ್ನು ಪ್ರತಿನಿಧಿಸಲು ತಯಾರಿ ನಡೆಸುತ್ತಿದ್ದಾರೆ.

ಇದೀಗ ತಮ್ಮ ಸಾಧನೆಯ ಬಗ್ಗೆ ಮಾತನಾಡಿರುವ ವೇದಾಂತ್ ‘ಅಪ್ಪ ಹೆಸರಾಂತ ನಟರಾದರೂ ಅವರ ನೆರಳಲ್ಲಿ ಬದುಕುವುದು ಇಷ್ಟವಿರಲಿಲ್ಲ. ನಾನು ಮಾಧವನ್ ಪತ್ರ ಎಂದು ಅವರ ಹೆಸರು ಹೇಳಿಕೊಂಡು ಜೀವನ ಮಾಡುವ ಬದಲು ತನ್ನದೇ ಹೆಸರು ಮಾಡಬೇಕು ಎಂಬುದು ಕನಸಾಗಿತ್ತು’ ಎಂದು ವೇದಾಂತ್ ಹೇಳಿದ್ದಾರೆ. ತನಗೆ ಬೆಂಬಲವಾಗಿರುವ ತಂದೆ ಮತ್ತು ತಾಯಿ ಬಗ್ಗೆ ನೆನೆದಿರುವ ವೇದಾಂತ್, ನನ್ನ ವೃತ್ತಿಜೀವನಕ್ಕಾಗಿ ಇಬ್ಬರೂ ತ್ಯಾಗ ಮಾಡಿದ್ದು, ದುಬೈಗೆ ಬಂದು ನೆಲೆಸುವ ದೊಡ್ಡ ನಿರ್ಧಾರ ಕೈಗೊಂಡರು ಎಂದಿದ್ದಾರೆ.