ಮುಂಬೈ: ಬಹುಭಾಷಾ ನಟ ಆರ್. ಮಾಧವನ್ ವಿಮಾನ ಪ್ರಯಾಣದಲ್ಲಿ ನಡೆದ ವಿನೂತನ ಘಟನೆಯನ್ನು ಇನ್ ಸ್ಟಾಗ್ರಾಂ ಮೂಲಕ ಹಂಚಿಕೊಂಡಿದ್ದಾರೆ.
ದುಬೈಯಿಂದ ವಿಮಾನದಲ್ಲಿ ತೆರಳುವಾಗ ಮಾಧವನ್ ವಿಮಾನ ಸಿಬ್ಬಂದಿಯನ್ನು ಹೊರತುಪಡಿಸಿದರೆ ಏಕಾಂಗಿ ಪ್ರಯಾಣಿಕರಂತೆ! ವಿಶೇಷವೆಂದರೆ ವಿಮಾನ ನಿಲ್ದಾಣದಲ್ಲಿ ಸಿಬ್ಬಂದಿಗಳನ್ನು ಬಿಟ್ಟರೆ ಪ್ರಯಾಣಿಕರ ಸುಳಿವೇ ಇಲ್ಲ! ಇಂತಹದ್ದೊಂದು ವಿಶೇಷ ಗಳಿಗೆಗೆ ನಾನು ಸಾಕ್ಷಿಯಾಗಿದ್ದೇನೆ ಎಂದು ಮಾಧವನ್ ವಿಡಿಯೋ ಸಮೇತ ಹಂಚಿಕೊಂಡಿದ್ದಾರೆ.
ಬ್ಯುಸಿನೆಸ್ ಕ್ಲಾಸ್ ಆಸನದಲ್ಲಿ ಪ್ರಯಾಣಿಸುವ ವಿಡಿಯೋಗಳನ್ನು ಹಂಚಿಕೊಂಡಿರುವ ಮಾಧವನ್, ಕೊರೋನಾದಿಂದಾಗಿ ಇಂತಹ ವಿಚಿತ್ರ ಪರಿಸ್ಥಿತಿಯಿದೆ ಎಂದು ಹೇಳಿಕೊಂಡಿದ್ದಾರೆ.
