ಈ ದಸರಾಗೆ ಪುನೀತ್ ‘ಜೇಮ್ಸ್’ ತೆರೆಗೆ?

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅಭಿನಯಿಸುತ್ತಿರುವ ಬಹದ್ದೂರ್ ಚೇತನ್ ನಿರ್ದೇಶನದ ‘ಜೇಮ್ಸ್’ ಸಿನಿಮಾ ಈ ವರ್ಷದ ಬಹುನಿರೀಕ್ಷಿತ ಸಿನಿಮಾಗಳಲ್ಲೊಂದು.

ಕಾಶ್ಮೀರದಲ್ಲಿ ಇತ್ತೀಚೆಗೆ ಮಹತ್ವದ ಸಾಹಸ ದೃಶ್ಯಗಳ ಚಿತ್ರೀಕರಣ ಮುಗಿಸಿ ಬಂದಿರುವ ಚಿತ್ರತಂಡ ಈ ವರ್ಷ ದಸರಾ ಹಬ್ಬದ ವೇಳೆಗೆ ಥಿಯೇಟರ್ ಗೆ ಬರುವ ಯೋಜನೆ ಹಾಕಿಕೊಂಡಿದೆ ಎನ್ನಲಾಗಿದೆ. ಕೊರೋನಾ ಸಂಕಷ್ಟ ಮುಗಿದು ಎಲ್ಲಾ ಸರಿ ಹೋದರೆ ಈ ದಸರಾಗೆ ಸಿನಿಮಾ ರಿಲೀಸ್ ಆಗಬಹುದು.

ಇತ್ತೀಚೆಗಷ್ಟೇ ಯುವರತ್ನ ಸಿನಿಮಾ ರಿಲೀಸ್ ಆದ ಖುಷಿಯಲ್ಲಿರುವ ಪುನೀತ್ ಕೈಯಲ್ಲಿ ಜೇಮ್ಸ್ ಅಲ್ಲದೇ ಇನ್ನೆರಡು ಅದ್ಧೂರಿ ನಿರ್ಮಾಣದ ಸಿನಿಮಾಗಳಿವೆ. ಒಟ್ಟಿನಲ್ಲಿ ಈ ವರ್ಷ ಪುನೀತ್ ಪಾಲಿಗೆ ಬ್ಯುಸಿ ವರ್ಷವಾಗಲಿದೆ.