ಬೆಂಗಳೂರು : ಕಿರುತೆರೆಯಲ್ಲಿ ಬಹುಬೇಡಿಕೆಯ ನಿರೂಪಕಿ ಅನುಶ್ರೀ ಅವರಿಗೆ ಮದುವೆ ಪ್ರಪೋಸಲ್ ಒಂದು ಪತ್ರದ ಮೂಲಕ ಬಂದಿದೆಯಂತೆ. ಆದರೆ ಆ ಪತ್ರ ಬಂದಿದ್ದು ಮಾತ್ರ ಖ್ಯಾತ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಹೆಸರಿಗಂತೆ.
ಹೌದು. ತನ್ನ ನಿರೂಪಣೆ ಮೂಲಕ ಕಮಾಲ್ ಮಾಡಿರುವ ಅನುಶ್ರೀಗೆ ಬಾಯ್ ಫ್ರೆಂಡೇ ಇಲ್ಲವಂತೆ. ಅಷ್ಟೇ ಅಲ್ಲದೇ ಇಲ್ಲಿಯವರೆಗೂ ಅನುಶ್ರೀ ಅವರಿಗೆ ಯಾರು ಪ್ರಪೋಸ್ ಕೂಡ ಮಾಡಿಲ್ಲವಂತೆ. ಈ ವಿಚಾರವನ್ನು ಸ್ವತಃ ಅನುಶ್ರೀ ಅವರೇ ಹೇಳಿದ್ದಾರೆ. ಆದಕಾರಣ ಅರ್ಜುನ್ ಜನ್ಯ ಹೆಸರಿಗೆ ವ್ಯಕ್ತಿಯೊಬ್ಬರು ಅನುಶ್ರೀ ಅವರಿಗೆ ಪತ್ರ ಕಳುಹಿಸಿದ್ದಾರಂತೆ.
ಅಂದಹಾಗೇ ಆ ವ್ಯಕ್ತಿ ಕಳುಹಿಸಿದ್ದು ಲವ್ ಲೆಟರ್ ಅಲ್ಲ. ಬದಲಾಗಿ ಅವರ ಮಗನ ಜಾತಕವಂತೆ. ಅರ್ಜುನ್ ಜನ್ಯ ಅವರೇ ಇದು ನನ್ನ ಮಗನ ಜಾತಕ ದಯವಿಟ್ಟು ಅನುಶ್ರೀ ಅವರಿಗೆ ಒಮ್ಮೆ ತಿಳಿಸಿ ಈ ಬಗ್ಗೆ ಎಂದು ಯಾರೋ ಒಬ್ಬರೂ ಪತ್ರ ಬರೆದಿದ್ದರಂತೆ. ಆದರೆ ಸದ್ಯಕ್ಕೆ ತನ್ನ ಕೆರಿಯರ್ ನ ಬಗ್ಗೆ ಗಮನ ಹರಿಸಿರುವ ಅನುಶ್ರೀ ಮದುವೆ ಆಗೋಕೆ ಇನ್ನು ಮನಸ್ಸು ಮಾಡಿಲ್ವಂತೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.