ಪ್ರಭಾಸ್ ಪ್ರಾಜೆಕ್ಟ್ ಕೆ ಲುಕ್ ಗೆ ಟೀಕೆ: ಎರಡನೇ ಬಾರಿ ಪೋಸ್ಟರ್ ಬಿಡುಗಡೆ ಮಾಡಿದ ತಂಡ

ಹೈದರಾಬಾದ್: ರೆಬಲ್ ಸ್ಟಾರ್ ಪ್ರಭಾಸ್ ಸಿನಿಮಾಗಳು ಯಾಕೋ ಇತ್ತೀಚೆಗೆ ಒಂದಲ್ಲಾ ಒಂದು ರೀತಿಯಲ್ಲಿ ಟ್ರೋಲಿಗರ ಬಾಯಿಗೆ ಆಹಾರವಾಗುತ್ತಿದೆ.

ನಿನ್ನೆಯಷ್ಟೇ ಚಿತ್ರತಂಡ ಪ್ರಾಜೆಕ್ಟ್ ಕೆ ಸಿನಿಮಾದಲ್ಲಿ ಪ್ರಭಾಸ್ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡಿತ್ತು. ಆದರೆ ಇದರ ಬೆನ್ನಲ್ಲೇ ಈ ಪೋಸ್ಟರ್ ಟ್ರೋಲ್ ಗೊಳಗಾಗಿತ್ತು.

ಇದಾದ ಕೆಲವೇ ನಿಮಿಷಗಳಲ್ಲಿ ಮೊದಲ ಪೋಸ್ಟರ್ ಡಿಲೀಟ್ ಮಾಡಿದ ಚಿತ್ರತಂಡ ಎರಡನೇ ಬಾರಿಗೆ ಮತ್ತೊಂದು ಪೋಸ್ಟರ್ ಬಿಡುಗಡೆ ಮಾಡಿತು. ಈ ಪೋಸ್ಟರ್ ನಲ್ಲಿ ಹಿನ್ನಲೆಯಲ್ಲಿರುವ ವಿವರಗಳನ್ನು ಅಳಿಸಿ ಪ್ರಭಾಸ್ ಹೈಲೈಟ್ ಆಗುವಂತೆ ಮಾಡಲಾಗಿತ್ತು. ಇದನ್ನು ಗಮನಿಸಿದ ನೆಟ್ಟಿಗರು ಇಷ್ಟೆಲ್ಲಾ ಗಿಮಿಕ್ ಏಕೆ ಎಂದು ಪ್ರಶ್ನಿಸುತ್ತಿದ್ದಾರೆ.