ಡ್ರಗ್ ಮಾಫಿಯಾ ಬಗ್ಗೆ ಸ್ಯಾಂಡಲ್ ವುಡ್-ಬಾಲಿವುಡ್ ನಂಟಿನ ಗಂಟು ಬಿಚ್ಚಿಟ್ಟ ಪ್ರಶಾಂತ್ ಸಂಬರಗಿ

ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ಡ್ರಗ್ ಮಾಫಿಯಾ ಬಗ್ಗೆ ಗಂಭೀರ ವಿಚಾರಗಳನ್ನು ಹೊರ ಹಾಕಿರುವ ಪ್ರಶಾಂತ್ ಸಂಬರಗಿ ಸುಶಾಂತ್ ರಜಪೂತ್ ಆಪ್ತನ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ.

ನಟ ಸುಶಾಂತ್ ಸಿಂಗ್ ಸಾವಿನ ತನಿಖೆ ಮಾಡುವಾಗ ಆತನ ಮ್ಯಾನೇಜರ್ ಡ್ರಗ್ ವಿಚಾರಕ್ಕೆ ಸಂಬಂಧಿಸಿದಂತೆ ಇಮ್ತಿಯಾಜ್ ಖಾತ್ರಿ ಎಂಬವರ ಹೆಸರು ಬಾಯಿಬಿಟ್ಟಿದ್ದಳು. ಅವನಿಗೂ ಸಲ್ಮಾನ್ ಖಾನ್ ಗೂ ಇರುವ ನಂಟೇನು?  ಸುಶ್ಮಿತಾ ಸೇನ್ ಗೂ ಇರುವ ನಂಟೇನು? ಇಮ್ತಿಯಾಜ್ 2015 ರಲ್ಲಿ ನಡೆಸಿದ್ದ ಬಾಲಿವುಡ್ ಪಾರ್ಟಿಗೆ ಯಾವ್ಯಾವ ಸ್ಯಾಂಡಲ್ ವುಡ್ ನಟರು ಹೋಗಿದ್ದರು ಎಂಬುದನ್ನು ತನಿಖೆ ಮಾಡಲಿ.

ಅದಾದ ಈಗಿನ ಹಾಲಿ ಕಾಂಗ್ರೆಸ್ ಶಾಸಕರೊಬ್ಬರ 50 ನೇ ವರ್ಷದ ಬರ್ತ್ ಡೇಗೆ ಇಮ್ತಿಯಾಜ್ ಬೆಂಗಳೂರಿಗೆ ಬಂದಿದ್ದ. ಆಗ ಅವನು ಯಾರ ಕಾರು ಬಳಸಿದ್ದ, ಎಲ್ಲಿ ಉಳಕೊಂಡಿದ್ದ ಎಂಬುದು ತನಿಖೆಯಾಗಲಿ. ಸ್ಯಾಂಡಲ್ ವುಡ್ ನಿಂದ ಬಾಲಿವುಡ್ ಗೆ ಒಂದು ಕುಟುಂಬದ ನಡುವೆ ಮದುವೆ ಸಂಬಂಧ ಬೆಳೆಯುತ್ತದೆ. ಆ ಬಗ್ಗೆಯೂ ತನಿಖೆಯಾಗಲಿ ಎಂದು ಪ್ರಶಾಂತ್ ಸಂಬರಗಿ ಬಾಂಬ್ ಸಿಡಿಸಿದ್ದಾರೆ.