ಸಲಾರ್ 2 ಶೂಟಿಂಗ್ ಯಾವಾಗ? ಉತ್ತರಿಸಿದ ಪ್ರಭಾಸ್

ಹೈದರಾಬಾದ್: ಸಲಾರ್ ಪಾರ್ಟ್ 1 ಬಿಡುಗಡೆಯಾಗಿ ಬಾಕ್ಸ್ ಆಫೀಸ್ ನಲ್ಲಿ ದಾಖಲೆಯ ಗಳಿಕೆ ಮಾಡಿದೆ. ಇದೀಗ ಸಲಾರ್ 2 ಯಾವಾಗ ಎಂಬ ಪ್ರಶ್ನೆ ಅಭಿಮಾನಿಗಳದ್ದು.

ಈ ಪ್ರಶ್ನೆಗೆ ಪ್ರಭಾಸ್ ಇತ್ತೀಚೆಗೆ ಇಂಡಿಯಾ ಟುಡೇ ಕಾನ್ ಕ್ಲೇವ್ ನಲ್ಲಿ ಉತ್ತರಿಸಿದ್ದಾರೆ. ಸಲಾರ್ 2 ಸಿನಿಮಾವೂ ಇದೇ ವರ್ಷ ಆರಂಭವಾಗುವುದು ಪಕ್ಕಾ ಆಗಿದೆ.

‘ಸಲಾರ್ 2 ಸಿನಿಮಾದ ಸ್ಕ್ರಿಪ್ಟ್ ಈಗಾಗಲೇ ರೆಡಿಯಾಗಿದೆ. ಅಭಿಮಾನಿಗಳೂ ಸಲಾರ್ 2 ಗಾಗಿ ಕಾಯ್ತಿದ್ದಾರೆ ಎಂದು ನನಗೆ ಗೊತ್ತು. ಸದ್ಯದಲ್ಲೇ ಸಲಾರ್ 2 ಬಗ್ಗೆ ನಿಮಗೆ ಮಾಹಿತಿ ಕೊಡುತ್ತೇವೆ. ಆದಷ್ಟು ಬೇಗ ಶೂಟಿಂಗ್ ಪ್ರಾರಂಭಿಸಲಿದ್ದೇವೆ’ ಎಂದಿದ್ದಾರೆ.

ಸಲಾರ್ 2 ಶೌರ್ಯಾಂಗ ಪರ್ವಂನಲ್ಲಿ ದೇವ ಮತ್ತು ವರದ ನಡುವಿನ ಸ್ನೇಹದ ಮಹತ್ವ ಮತ್ತು ಶತ್ರುತ್ವದ ಕಾರಣ ಕತೆ ಹೇಳಲಾಗುವುದು ಎಂದು ಈಗಾಗಲೇ ನಿರ್ದೇಶಕ ಪ್ರಶಾಂತ್ ನೀಲ್ ಹೇಳಿದ್ದರು. ಹೀಗಾಗಿ ಪ್ರಶಾಂತ್ ಮುಂದಿನ ಸಿನಿಮಾ ಸಲಾಋ್ 2 ಎಂದು ಪಕ್ಕಾ ಆಗಿದೆ.