ಸ್ವಾತಿ ಮಿಶ್ರಾ ಹಾಡಿದ ರಾಮ ಹಾಡು ಮೆಚ್ಚಿದ ಪ್ರಧಾನಿ ಮೋದಿ

ನವದೆಹಲಿ: ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣವಾಗಿ ರಾಮಲಲ್ಲಾನ ಪ್ರಾಣ ಪ್ರತಿಷ್ಠೆ ಕಾರ್ಯಕ್ರಮಕ್ಕೆ ಕೆಲವೇ ದಿನಗಳು ಬಾಕಿಯಿವೆ.

ರಾಮಮಂದಿರ ಲೋಕಾರ್ಪಣೆ ದಿನ ಮನೆ ಮನೆಗಳಲ್ಲಿ ದೀಪ ಹಚ್ಚಿ ಪ್ರಭು ಶ್ರೀರಾಮಚಂದ್ರನಿಗೆ ನಮನ ಸಲ್ಲಿಸಲು ಪ್ರಧಾನಿ ಮೋದಿ ಕರೆಕೊಟ್ಟಿದ್ದಾರೆ.

ಈ ನಡುವೆ ಮೋದಿ ತಮ್ಮ ಸೋಷಿಯಲ್ ಮೀಡಿಯಾ ಪುಟದಲ್ಲಿ ಸ್ವಾತಿ ಮಿಶ್ರಾ ಅವರು ಹಾಡಿದ ರಾಮ್ ಆಯೇಂಗೆ ಎಂಬ ಹಾಡೊಂದನ್ನು ಶೇರ್ ಮಾಡಿದ್ದಾರೆ. ಈ ಹಾಡಿಗೆ ಮೋದಿ ಫಿದಾ ಆಗಿದ್ದಾರೆ.

ಅಯೋಧ್ಯೆಗೆ ರಾಮಲಲ್ಲಾನನ್ನು ಸ್ವಾಗತಿಸುವ ಹಾಡು ಇದಾಗಿದೆ. ಸ್ವಾತಿ ಮಿಶ್ರಾಜಿಯವರ ಈ ಹಾಡು ನಮ್ಮನ್ನು ತನ್ಮಯಗೊಳಿಸುತ್ತದೆ ಎಂದು ಮೋದಿ ಬರೆದುಕೊಂಡಿದ್ದಾರೆ. ಬಿಹಾರಿ ಮೂಲದ ಸ್ವಾತಿ ಮಿಶ್ರಾ ತಮ್ಮದೇ ಯೂ ಟ್ಯೂಬ್ ವಾಹಿನಿಯಲ್ಲಿ ಹಾಡನ್ನು ಪ್ರಕಟಿಸಿದ್ದರು. ಆದರೆ ಈಗ ಪ್ರಧಾನಿ ಮೋದಿಯೇ ಹಾಡನ್ನು ಶೇರ್ ಮಾಡಿದ ಬಳಿಕ ಇದು ಭಾರೀ ವೈರಲ್ ಆಗಿದೆ.