ಕೆಜಿಎಫ್ 2 ಬಿಡುಗಡೆಗೆ ಒಂದು ವರ್ಷ: ರೆಕಾರ್ಡ್ ಗಳೇನೇನು?

Photo Courtesy: Twitter

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ರಾಕಿ ಭಾಯಿ ಆಗಿ ಮಿಂಚಿದ ಕೆಜಿಎಫ್ 2 ಸಿನಿಮಾ ಬಿಡುಗಡೆಯಾಗಿ ಇಂದಿಗೆ ಒಂದು ವರ್ಷವಾಗಿದೆ.

ಈ ಸಿನಿಮಾ ಕನ್ನಡದಲ್ಲಿ ಮೊದಲ ಬಾರಿಗೆ 1000 ಕೋಟಿ ಗಳಿಕೆ ಮಾಡಿದ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. ಬಹುಭಾಷೆಗಳಲ್ಲಿ ಬಿಡುಗಡೆಯಾಗಿದ್ದ ಕೆಜಿಎಫ್ 2 ಮಾಡಿದ ದಾಖಲೆಗಳು ಅನೇಕ.

ಅಡ್ವಾನ್ಸ್ ಬುಕಿಂಗ್ ನಲ್ಲೇ ಕೆಜಿಎಫ್ 2 ದಾಖಲೆ ಮಾಡಿತ್ತು. 40 ಲಕ್ಷ ಅಡ್ವಾನ್ಸ್ ಟಿಕೆಟ್ ಬಿಕರಿಯಾಗಿತ್ತು. ಕನ್ನಡದಲ್ಲಿ ಗರಿಷ್ಠ ಗಳಿಕೆ ಮಾಡಿದ ಸಿನಿಮಾ ಇದಾಗಿದೆ. ಬಾಲಿವುಡ್ ನಲ್ಲಿ ಕನ್ನಡ ಸಿನಿಮಾವೊಂದು ಗರಿಷ್ಠ ಗಳಿಕೆ (450 ಕೋಟಿ) ಮಾಡಿದ ದಾಖಲೆ ಮಾಡಿತ್ತು. ಒಂದನೇ ದಿನವೇ 150 ಕೋಟಿ ಗಳಿಕೆ ಮಾಡಿದ ಮೊದಲ ಹೆಗ್ಗಳಿಕೆ ಈ ಸಿನಿಮಾದ್ದಾಗಿದೆ.