ಬೆಂಗಳೂರು: ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾ ಈಗಾಗಲೇ ಭರ್ಜರಿ ಹಿಟ್ ಆಗಿ ಇನ್ನೂ ಚಿತ್ರಮಂದಿರದಲ್ಲಿ ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. ಇದೀಗ ವೀಕ್ಷಕರಿಗೆ ಪೈಲ್ವಾನ್ ಚಿತ್ರತಂಡ ಸುವರ್ಣಾವಕಾಶವೊಂದನ್ನು ನೀಡಿದೆ.
ಪೈರಸಿ ಹಾವಳಿಯ ಹೊರತಾಗಿಯೂ ಭರ್ಜರಿ ಗಳಿಕೆ ಮಾಡಿರುವುದರಿಂದ ಸಂತೋಷಗೊಂಡಿರುವ ನಿರ್ಮಾಪಕ, ನಿರ್ದೇಶಕ ಕೃಷ್ಣ ಈ ವಾರ ಪೂರ್ತಿ ಸಿನಿಮಾ ಟಿಕೆಟ್ ದರವನ್ನು ಶೇ.50 ರಷ್ಟು ಕಡಿತಗೊಳಿಸುವ ನಿರ್ಧಾರಕ್ಕೆ ಬಂದಿದ್ದಾರೆ. ಅಂದರೆ ಪೈಲ್ವಾನ್ ಸಿನಿಮಾ ಟಿಕೆಟ್ ಶೇ. 50 ರಷ್ಟು ಅಗ್ಗವಾಗಲಿದೆ.
ಇದು ಈ ವಾರ ಪೂರ್ತಿ ಜಾರಿಯಲ್ಲಿರಲಿದೆ. ಆದರೆ ಮಲ್ಟಿಪ್ಲೆಕ್ಸ್ ಚಿತ್ರಮಂದಿರಗಳಲ್ಲಿ ಈ ಅವಕಾಶ ಲಭ‍್ಯವಿರಲ್ಲ. ನಿರ್ದೇಶಕರ ಈ ನಿರ್ಧಾರಕ್ಕೆ ಕಿಚ್ಚ ಸುದೀಪ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.