ವೇಕ್ ಪುಷ್ಪ 2 ಆಯ್ತು, ಈಗ ವೇಕ್ ಅಪ್ ಸಲಾರ್ ಎಂದ ನೆಟ್ಟಿಗರು!

Photo Courtesy: Twitter

ಹೈದರಾಬಾದ್: ಬಹುನಿರೀಕ್ಷಿತ ಸಿನಿಮಾ ತಂಡ ಯಾವುದೇ ಅಪ್ ಡೇಟ್ ಕೊಡದೇ ಇದ್ದಾಗ ಫ್ಯಾನ್ಸ್ ನಿರಾಸೆಗೊಳಗಾಗುವುದು ಸಹಜ. ಈ ಕಾರಣಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಚಿತ್ರತಂಡವನ್ನು ಎಚ್ಚರಿಸುವ ಕೆಲಸ ಮಾಡುತ್ತಲೇ ಇರುತ್ತಾರೆ.

ಕೆಲವು ದಿನಗಳ ಮೊದಲು ನೆಟ್ಟಿಗರು ಪುಷ್ಪ 2 ಸಿನಿಮಾ ತಂಡದಿಂದ ಯಾವುದೇ ಸುದ್ದಿ ಬರುತ್ತಿಲ್ಲ ಎಂಬ ಕಾರಣಕ್ಕೆ ವೇಕ್ ಅಪ್ ಪುಷ್ಪ 2 ಎಂದು ಹ್ಯಾಶ್ ಟ್ಯಾಗ್ ಮೂಲಕ ಟ್ರೆಂಡ್ ಆರಂಭಿಸಿ ಚಿತ್ರತಂಡವನ್ನು ಎಚ್ಚರಿಸುವ ಕೆಲಸ ಮಾಡಿದ್ದರು. ಅದಾದ ಬಳಿಕ ಪುಷ್ಪ 2 ಟೀಂ ಮತ್ತೆ ಚಿತ್ರೀಕರಣ ಆರಂಭಿಸಿರುವ ಸುದ್ದಿ ನೀಡಿತ್ತು.

ಇದೀಗ ಹೊಂಬಾಳೆ ಫಿಲಂಸ್ ನಿರ್ಮಾಣದ ಪ್ರಭಾಸ್ ನಾಯಕರಾಗಿರುವ ಸಲಾರ್ ಸಿನಿಮಾಗೂ ನೆಟ್ಟಿಗರು ಇದೇ ರೀತಿ ಅಭಿಯಾನದ ಮೂಲಕ ಎಚ್ಚರಿಸುವ ಕೆಲಸ ಮಾಡಿದ್ದಾರೆ. ವೇಕ್ ಅಪ್ ಸಲಾರ್ ಎಂಬ ಹ್ಯಾಶ್ ಟ್ಯಾಗ್ ಮೂಲಕ ಅಪ್ ಡೇಟ್ ಕೊಡಲು ಒತ್ತಾಯಿಸಿದ್ದಾರೆ. ಕಳೆದ ಕೆಲವು ದಿನಗಳಿಂದ ಸಲಾರ್ ಚಿತ್ರದ ಹಾಡು ಬಿಡುಗಡೆಯಾಗಬಹುದು ಎಂಬ ಸುದ್ದಿಯಿತ್ತು. ಆದರೆ ಚಿತ್ರತಂಡ ಈ ವಿಚಾರವಾಗಿ ತುಟಿಪಿಟಕ್ ಎನ್ನುತ್ತಿಲ್ಲ. ಈ ಕಾರಣಕ್ಕೆ ನೆಟ್ಟಿಗರು ಅಪ್ ಡೇಟ್ ಗಾಗಿ ಆಗ್ರಹಿಸಿದ್ದಾರೆ.