ಆಗಲೇ ಹತ್ತು ವರ್ಷಾ ಆಗೋಯ್ತಾ? ಅನ್ನಿಸುತ್ತದೆ. ಮುಂಗಾರು ಮಳೆ ಚಿತ್ರ ನೆನ್ನೆಮೊನ್ನೆ ತೆರೆಕಂಡಂತೆ ಭಾಸವಾಗುತ್ತಿದ್ದರೂ ಡಿಸೆಂಬರ್ 29ಕ್ಕೆ ದಶಕ ಕಳೆದಿದೆ. ಈ ಸಂಭ್ರಮವನ್ನು ನಿರ್ದೇಶಕ ಯೋಗರಾಜ್ ಭಟ್ ಮತ್ತು ಗೋಲ್ಡನ್ ಸ್ಟಾರ್ ಗಣೇಶ್ ಹಂಚಿಕೊಂಡರು.
ಅವರ ಸಂಭ್ರಮಕ್ಕೆ ವೇದಿಕೆಯಾಗಿದ್ದು ’ಮುಗುಳುನಗೆ’ ಸೆಟ್. ಮುಂಗಾರು ಮಳೆ ಬಿಡುಗಡೆಯಾಗಿದ್ದು ಡಿಸೆಂಬರ್ 29, 2006ರಲ್ಲಿ. ಈ ಸಿನಿಮಾ ಈ ರೀತಿಯ ದಾಖಲೆ ಮಾಡುತ್ತೆ ಅಂತ ಯಾರೂ ಊಹಿಸಿರಲಿಲ್ಲ. ಗಣೇಶ್, ಪೂಜಾಗಾಂಧಿ ಮತ್ತು ಯೋಗರಾಜ್ ಭಟ್ ಅವರ ವೃತ್ತಿಜೀವನದಲ್ಲಿ ಪ್ರಮುಖ ಮೈಲಿಗಲ್ಲು ಈ ಚಿತ್ರ.
ಅದರಲ್ಲೂಈವತ್ತಿಗೂ ಕಾಡುವಂತ ಹಾಡುಗಳು ಚಿತ್ರದ ಪ್ರಮುಖ ಆಕರ್ಷಣೆ. ಕೇವಲ 70 ಲಕ್ಷದಲ್ಲಿ ನಿರ್ಮಿಸಿದ ಚಿತ್ರ ಸುಮಾರು 75 ಕೋಟಿ ಕಲೆಕ್ಷನ್ ಮಾಡಿತು. ಎಸ್ ಕೃಷ್ಣ ಅವರ ಕಣ್ಣಿಗೆ ರಾಚುವಾ ಕ್ಯಾಮೆರಾ ವರ್ಕ್ ಚಿತ್ರವನ್ನು ಇನ್ನಷ್ಟು ಎತ್ತರಕ್ಕೆ ಕೊಂಡೊಯ್ದಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
