ಮುಂಬೈ: ಒಡಹುಟ್ಟಿದವರ ದಿನದ ಸಂದರ್ಭದಲ್ಲಿ, ನಟಿ ಶಿಲ್ಪಾ ಶೆಟ್ಟಿ ಕುಂದ್ರಾ ಅವರು ತಮ್ಮ ಸಹೋದರಿ ಶಮಿತಾಗಾಗಿ ವಿಶೇಷ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.
ಇನ್‌ಸ್ಟಾಗ್ರಾಂನಲ್ಲಿ ಶಿಲ್ಪಾ ತಂಗಿ ಜತೆಗಿನ ಫೋಟೋ ಹಂಚಿಕೊಂಡಿದ್ದಾರೆ. ಚಿತ್ರವನ್ನು ಹಂಚಿಕೊಂಡ ಅವರು, "#ಹ್ಯಾಪಿಸಿಬ್ಲಿಂಗ್ಸ್ಡೇ ಶಮಿತಾ, ಚಂದ್ರ ಇರುವವರೆಗೂ ನಿನ್ನನ್ನೂ ಪ್ರೀತಿಸುತ್ತೇನೆ ಮತ್ತು ಯಾವಾಗಲೂ ತುಂಕಿ" ಎಂದು ಬರೆದಿದ್ದಾರೆ.
ಇನ್ನೂ ಕರಾವಳಿ ಬೆಡಗಿಯರಾದ ಶಿಲ್ಪಾ ಮತ್ತು ಶಮಿತಾ ಶೆಟ್ಟಿ ಅವರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಉತ್ತಮ ಬಾಂಧ್ಯವನ್ನು ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಅದಲ್ಲದೆ ಶಿಲ್ಪಾ ತನ್ನ ಮಕ್ಕಳಾದ ಸಮೀಶಾ ಮತ್ತು ವಿಯಾನ್ ಅವರ ಸೆಲ್ಫಿಯನ್ನು ಸಹ ಪೋಸ್ಟ್ ಮಾಡಿದ್ದಾರೆ.
ವಿಯಾನ್ ಮತ್ತು ಸಮೀಶಾ ಬಿಸಿಲಿನಲ್ಲಿ ನೆನೆಯುತ್ತಾ ಸಂತೋಷದಿಂದ ಸೆಲ್ಫಿಗೆ ಪೋಸ್ ನೀಡುತ್ತಿರುವ ಚಿತ್ರ ಇದಾಗಿದೆ
ಪೋಸ್ಟ್ ಜೊತೆಗೆ, "ನಿಮ್ಮ ಒಡಹುಟ್ಟಿದವರೊಂದಿಗಿನ ನೆನಪುಗಳು ಯಾವಾಗಲೂ ಅಮೂಲ್ಯವಾಗಿರುತ್ತವೆ" ಎಂದು ಬರೆದಿದ್ದಾರೆ.