ಮುಂಬೈ: ಬಾಲಿವುಡ್ ಗೆ ನನ್ನ ಸಂಭಾವನೆ ತಾಳಿಕೊಳ್ಳಲು ಸಾಧ್ಯವಿಲ್ಲ ಎಂದು ವಿವಾದಾತ್ಮಕ ಹೇಳಿಕೆ ನೀಡಿದ್ದ ಮಹೇಶ್ ಬಾಬು ಈಗ ತಮ್ಮ ಮಾತನ್ನೇ ಮರೆತು ಬಾಲಿವುಡ್ ಗೆ ಪಾದಾರ್ಪಣೆ ಮಾಡಲು ಸಜ್ಜಾಗಿದ್ದಾರಾ?
ಮಹೇಶ್ ಬಾಬು ಖ್ಯಾತ ನಿರ್ದೇಶಕ ರಾಜಮೌಳಿ ಜೊತೆ ಸಿನಿಮಾವೊಂದನ್ನು ಮಾಡಲು ಮುಂದಾಗಿದ್ದಾರೆ. ಈ ಸಿನಿಮಾವನ್ನು ರಾಜಮೌಳಿ ಬಹುಭಾಷೆಗಳಲ್ಲಿ ಬಿಡುಗಡೆ ಮಾಡಲು ಯೋಜನೆ ಹಾಕಿದ್ದಾರೆ.
ಅದರಂತೆ ಹಿಂದಿಯಲ್ಲೂ ಸಿನಿಮಾ ಬಿಡುಗಡೆಯಾಗಲಿದೆ. ಈ ಮೂಲಕ ಮಹೇಶ್ ಬಾಬು ಸಿನಿಮಾ ಹಿಂದಿ ಮಾರುಕಟ್ಟೆಗೆ ಕಾಲಿಡಲಿದೆ. ಆದರೆ ಈ ಹಿಂದೆ ಹಿಂದಿ ಸಿನಿಮಾ ಬಗ್ಗೆ ಇಂತಹ ಹೇಳಿಕೆ ನೀಡಿದ್ದ ಮಹೇಶ್ ಬಾಬುಗೆ ಈಗ ಹಿಂದಿ ಮಾರುಕಟ್ಟೆ ಯಾವ ರೀತಿ ಸ್ವಾಗತ ಕೋರಲಿದೆ ನೋಡಬೇಕಿದೆ.
