ಮುಂಬೈ: ಬಾಲಿವುಡ್ ನಟರಿಗೆ ಹೋಲಿಸಿದರೆ ಟಾಲಿವುಡ್ ಸ್ಟಾರ್ ಗಳಾದ ಮಹೇಶ್ ಬಾಬು, ವಿಜಯ್ ದೇವರಕೊಂಡ, ಜ್ಯೂ ಎನ್ ಟಿಆರ್ ಮೊದಲಾದವರು ವಿನಯವಂತರಲ್ಲ, ಅವರೆಲ್ಲಾ ವಿನಯವಂತಿಕೆಯ ಮುಖವಾಡ ಹಾಕುತ್ತಿದ್ದಾರಷ್ಟೇ ಎಂದು ಫೋಟೋಗ್ರಾಫರ್ ವರಿಂದರ್ ಚಾವ್ಲಾ ಹೇಳಿದ್ದಾರೆ.
ವಿಮಾನ ನಿಲ್ದಾಣಗಳಲ್ಲಿ, ಸೆಲೆಬ್ರಿಟಿ ಈವೆಂಟ್ ಗಳಲ್ಲಿ ಹಾಜರಾಗುವ ಪಪ್ಪಾರಾಜಿಗಳ ಪೈಕಿ ವರಿಂದರ್ ಕೂಡಾ ಒಬ್ಬರು. ಅವರು ಬಾಲಿವುಡ್ ಸ್ಟಾರ್ ಗಳ ಜೊತೆ ಟಾಲಿವುಡ್ ಸ್ಟಾರ್ ಗಳನ್ನು ಹೋಲಿಕೆ ಮಾಡಿದ್ದು, ಟಾಲಿವುಡ್ ನಟರ ವಿನಯವಂತಿಕೆ ಎಲ್ಲಾ ತೋರಿಕೆಯಷ್ಟೇ, ನಿಜವಾಗಿಯೂ ಅವರು ಅಷ್ಟು ವಿನಯವಂತರಲ್ಲ ಎಂದಿದ್ದಾರೆ.
ಟಾಲಿವುಡ್ ನಟರು ತುಂಬಾ ವಿನಯವಂತರು, ಅಭಿಮಾನಿಗಳ ಜೊತೆ ಪ್ರೀತಿಯಿಂದ ನಡೆದುಕೊಳ್ಳುತ್ತಾರೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಕಂಡುಬರುತ್ತದೆ. ಆದರೆ ಅವರು ಬಾಲಿವುಡ್ ನಟರಷ್ಟೂ ಸಹಿಷ್ಣುಗಳು, ವಿನಯವಂತಿಕೆ ಉಳ್ಳವರು ಅಲ್ಲ. ಕೇವಲ ಕ್ಯಾಮರಾ ಎದುರು ಮಾತ್ರ ತೋರಿಕೆಗಾಗಿ ಆ ರೀತಿ ಇದ್ದಾರಷ್ಟೇ ಎಂದಿದ್ದಾರೆ.
ಸಂದರ್ಶನವೊಂದರಲ್ಲಿ ವರಿಂದರ್ ಇತ್ತೀಚೆಗೆ ಜ್ಯೂ ಎನ್ ಟಿಆರ್ ತಮ್ಮನ್ನು ಹಿಂಬಾಲಿಸಿ ವಿಡಿಯೋ ಮಾಡಿದ ಪಪ್ಪಾರಾಜಿ ವಿರುದ್ಧ ಆಕ್ರೋಶಗೊಂಡಿದ್ದನ್ನು ಉಲ್ಲೇಖಿಸಿದ್ದಾರೆ. ಜೊತೆಗೆ ಮಹೇಶ್ ಬಾಬು ತಮ್ಮನ್ನು ಬಾಲಿವುಡ್ಡಿಗರಿಗೆ ಕೊಳ್ಳಲು ಸಾಧ್ಯವಿಲ್ಲ ಎಂದು ಅಹಂಕಾರದಿಂದ ಹೇಳಿಕೆ ನೀಡಿದ್ದನ್ನು ಉಲ್ಲೇಖಿಸಿದ್ದಾರೆ.
