ದುನಿಯಾ ವಿಜಿ ಜೊತೆ ಸ್ಟಾರ್ ವಾರ್ ನೋ ಚಾನ್ಸ್ ಎಂದ ಕಿಚ್ಚ ಸುದೀಪ್

ಬೆಂಗಳೂರು: ಸಲಗ ಮತ್ತು ಕೋಟಿಗೊಬ್ಬ 3 ಸಿನಿಮಾ ಒಂದೇ ದಿನ ಬಿಡುಗಡೆಯಾಗುತ್ತಿದೆ. ಈ ಹಿನ್ನಲೆಯಲ್ಲಿ ಕೆಲವು ಕಿಡಿಗೇಡಿಗಳು ಇಬ್ಬರು ಸ್ಟಾರ್ ಗಳ ಮಧ್ಯೆ ತಂದಿಡುವ ಪ್ರಯತ್ನ ನಡೆಸಿದ್ದಾರೆ.

ಕಿಚ್ಚ ಸುದೀಪ್, ದುನಿಯಾ ವಿಜಯ್ ಅವರ ಸಲಗ ಸಿನಿಮಾ ಬಗ್ಗೆ ಕೆಟ್ಟದಾಗಿ ಮಾತನಾಡಿದ್ದಾರೆ ಎಂದು ಯಾರೋ ಸುದ್ದಿಹಬ್ಬಿಸಿದ್ದರು. ಇಂತಹ ವದಂತಿಗಳಿಗೆ ಸುದೀಪ್ ಕೋಟಿಗೊಬ್ಬ 3 ಪತ್ರಿಕಾಗೋಷ್ಠಿಯಲ್ಲಿ ಖಡಕ್ ಆಗಿ ಪ್ರತಿಕ್ರಿಯೆ ನೀಡಿದ್ದಾರೆ.

‘ಸಲಗ ಸಿನಿಮಾಗೆ ಕ್ಲ್ಯಾಪ್ ಮಾಡಿದ್ದವನು ನಾನು. ಈಗ ಆ ಸಿನಿಮಾಗೆ ಕೆಟ್ಟದಾಗಲಿ ಎಂದು ಹೇಗೆ ಬಯಸಲಿ? ಚಿತ್ರರಂಗದಲ್ಲಿರುವವರೆಲ್ಲಾ ಅಣ್ಣ ತಮ್ಮಂದಿರಂತೆ. ಕೊವಿಡ್ ಕಾಲದಲ್ಲಿ ಎಲ್ಲರಿಗೂ ಕಷ್ಟವಾಗಿತ್ತು. ಈಗ ಸರಿ ಹೋಗುತ್ತದೆ ಎನ್ನುವಾಗ ಬೇರೊಬ್ಬರ ಕುರಿತಾಗಿ ಕೆಟ್ಟ ಮಾತನಾಡುವ ಪುರುಸೊತ್ತು ಯಾರಿಗೂ ಇಲ್ಲ. ಚಿತ್ರರಂಗ ಎಂದರೆ ಒಂದು ರೋಡ್ ನಂತೆ. ಇಲ್ಲಿ ಎಲ್ಲಾ ರೀತಿಯ ಕಾರ್ ಗಳು, ಸೈಕಲ್ ಗಳು ಓಡಾಡುತ್ತವೆ. ಹಾಗಂತ ರಸ್ತೆ ಯಾರೋ ಒಬ್ಬರ ಸೊತ್ತಲ್ಲ. ಇಲ್ಲಿ ಎಲ್ಲರೂ ಒಂದೇ’ ಎಂದು ಸುದೀಪ್ ಹೇಳಿದ್ದಾರೆ.