ಬೆಂಗಳೂರು: ಪುನೀತ್ ರಾಜ್ ಕುಮಾರ್ ಮೇಲಿನ ಗೌರವದಿಂದ ಜೇಮ್ಸ್ ರಿಲೀಸ್ ಗೆ ಕಾಯುತ್ತಿದ್ದ ಕೆಜಿಎಫ್ 2 ಸಿನಿಮಾ ತಂಡ ಈಗ ತಮ್ಮ ಚಿತ್ರದ ಪ್ರಚಾರಕ್ಕೆ ಅಧಿಕೃತವಾಗಿ ಚಾಲನೆ ನೀಡಲು ಮುಂದಾಗಿದೆ.
ಈಗಾಗಲೇ ಕೆಜಿಎಫ್ 2 ಟ್ರೈಲರ್ ಮಾರ್ಚ್ 27 ರಂದು ಬಿಡುಗಡೆಯಾಗಲಿದೆ ಎಂದು ಘೋಷಿಸಿದ್ದು ಬಿಟ್ಟರೆ ಕೆಜಿಎಫ್ 2 ತಂಡದಿಂದ ಬೇರೆ ಯಾವುದೇ ಅಪ್ ಡೇಟ್ ಬಂದಿರಲಿಲ್ಲ. ಇದೀಗ ಮೊದಲ ಹಾಡು ರಿಲೀಸ್ ಮಾಡುವುದರ ಬಗ್ಗೆ ಘೋಷಣೆ ಮಾಡುವ ಸಾಧ್ಯತೆಯಿದೆ.
ಕೆಜಿಎಫ್ 1 ಸಿನಿಮಾದ ಎಲ್ಲಾ ಹಾಡುಗಳೂ ಸೂಪರ್ ಹಿಟ್ ಆಗಿದ್ದವು. ಈಗ ಕೆಜಿಎಫ್ 2 ನಲ್ಲೂ ಅದೇ ಗುಣಮಟ್ಟದ ಹಾಡನ್ನು ರವಿ ಬಸ್ರೂರು ಕೊಡಲಿದ್ದಾರೆ ಎಂಬ ನಿರೀಕ್ಷೆ ಅಭಿಮಾನಿಗಳದ್ದು.
