ಬೆಂಗಳೂರು : ಕಿಚ್ಚ ಸುದೀಪ್ ಅವರ ಮುಂದಾಳತ್ವದಲ್ಲಿ ನಡೆಯುತ್ತಿರುವ ‘ಕೆಸಿಸಿ ಟಿ-10’ ಕ್ರಿಕೆಟ್ ಲೀಗ್ ನ ಆರು ತಂಡಗಳಲ್ಲಿ ಆಡುತ್ತಿರುವ ಹೀರೋಗಳು ಯಾರೆಲ್ಲಾ ಎಂಬ ರಹಸ್ಯ ಈಗ ಬಯಲಾಗಿದೆ.
ಶುಕ್ರವಾರ ರಾತ್ರಿ ಅರಮನೆ ಮೈದಾನದಲ್ಲಿ ಲಕ್ಕಿ ಡ್ರಾ ಮೂಲಕ ಆಟಗಾರರನ್ನು ಆಯ್ಕೆ ಮಾಡುವ ಪ್ರಕ್ರಿಯೆ ನಡೆಸಲಾಗಿದ್ದು, ಇದನ್ನು ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಅನಿಲ್‍ ಕುಂಬ್ಳೆ ಅವರು ನಡೆಸಿಕೊಟ್ಟಿದ್ದಾರೆ. ಅವರ ಆಯ್ಕೆ ಪ್ರಕಾರ ಈ ಆರು ತಂಡಗಳಲ್ಲಿ ಪುನೀತ್‍ ರಾಜ್‍ಕುಮಾರ್, ಶಿವರಾಜ ಕುಮಾರ್, ಸುದೀಪ್, ರಕ್ಷಿತ್‍ಶೆಟ್ಟಿ, ಯಶ್, ದಿಗಂತ್ ಅವರುಗಳು ಆಯ್ಕೆಯಾದ್ದು ಒಬ್ಬೊಬ್ಬ ನಟರು ಒಂದೊಂದು ತಂಡದಲ್ಲಿ ಆಡಲಿದ್ದಾರೆ. ಈ ಆರು ತಂಡಗಳಿಗೆ ನಂದಕಿಶೋರ್, ಸದಾಶಿವ ಶೆಣೈ, ಇಂದ್ರಜಿತ್ ಲಂಕೇಶ್, ಜಾಕ್ ಮಂಜು, ಕೆ.ಪಿ. ಶ್ರೀಕಾಂತ್, ಕೃಷ್ಣ ನಾಯಕರಾಗಿದ್ದು, ಆರು ತಂಡಗಳಿಗೂ ಕೆಪಿಎಲ್ ಮತ್ತು ಸಿಸಿಎಲ್ ಆಟಗಾರರನ್ನೂ ಲಕ್ಕಿ ಡ್ರಾ ಮೂಲಕ ಆಯ್ಕೆ ಮಾಡಲಾಗಿದೆ. ಇದೇ ವೇಳೆ ತಂಡಗಳ ಜೆರ್ಸಿ ಕೂಡ ಬಿಡುಗಡೆ ಮಾಡಲಾಯಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ