ಕಾಂತಾರ 2 ಬಜೆಟ್ ಎಷ್ಟು? ಮುಹೂರ್ತ ಎಲ್ಲಿ ನಡೆಯುತ್ತೆ? ಇಲ್ಲಿದೆ ಡೀಟೈಲ್ಸ್

Photo Courtesy: Twitter

ಬೆಂಗಳೂರು: ಬಹುಬನಿರೀಕ್ಷಿತ ಕಾಂತಾರ 2 ಸಿನಿಮಾದ ಫಸ್ಟ್ ಲುಕ್ ಮತ್ತು ಮುಹೂರ್ತ ಯಾವಾಗ ಎಂದು ಹೊಂಬಾಳೆ ಫಿಲಂಸ್ ಈಗಾಗಲೇ ಅಧಿಕೃತವಾಗಿ ಘೋಷಣೆ ಮಾಡಿದೆ.

ಕಾಂತಾರ 2 ಫಸ್ಟ್ ಲುಕ್ ರಿವೀಲ್ ಬಗ್ಗೆ ಸುದ್ದಿ ನೀಡುತ್ತಿದ್ದಂತೇ ಅಭಿಮಾನಿಗಳು ಚಿತ್ರದ ಬಗ್ಗೆ ತಿಳಿಯಲು ಉತ್ಸುಕರಾಗಿದ್ದಾರೆ. ಕಾಂತಾರ 1 ರಲ್ಲಿ ರಿಷಬ್ ನೀಡಿದ್ದ ದೃಶ್ಯ ವೈಭವ ಇದಕ್ಕೆ ಕಾರಣ.

ಕಾಂತಾರ 2 ಅಸಲಿಗೆ ಕಾಂತಾರ ಮೊದಲ ಭಾಗಕ್ಕಿಂತ ಮೊದಲ ಕತೆ ಎಂದು ಈಗಾಗಲೇ ರಿಷಬ್ ಹೇಳಿದ್ದಾರೆ. ಇದು 13 ನೇ ಶತಮಾನದಲ್ಲಿ ನಡೆಯುವ ಕತೆ ಎನ್ನಲಾಗಿದೆ. ಹೀಗಾಗಿ ಅದಕ್ಕೆ ತಕ್ಕಂತೆ ತಮ್ಮ ಲುಕ್ ಬದಲಾಯಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಕಾಂತಾರ 2 ಗಾಗಿ ರಿಷಬ್ ಕೇರಳದ ಕಳರಿಪಯಟ್ಟು, ಕುದುರೆ ಸವಾರಿ ಕಲಿತಿದ್ದಾರೆ.

ಕಾಂತಾರ ಮೊದಲ ಭಾಗ ಕೇವಲ 18 ಕೋಟಿ ವೆಚ್ಚದಲ್ಲಿ ತಯಾರಾಗಿ 600 ಕೋಟಿ ರೂ. ಬಾಚಿಕೊಂಡಿತ್ತು. ಆದರೆ ಕಾಂತಾರ 2 100 ಕೋಟಿ ವೆಚ್ಚದಲ್ಲಿ ಅದ್ಧೂರಿಯಾಗಿ ನಿರ್ಮಾಣವಾಗಲಿದೆ. ಕಾಂತಾರ 2 ಫಸ್ಟ್ ಲುಕ್ ರಿವೀಲ್ ಮತ್ತು ಮುಹೂರ್ತ ಸೋಮವಾರ ನಡೆಯಲಿದೆ.

ರಿಷಬ್ ಹುಟ್ಟೂರು ಉಡುಪಿಯ ದೇವಸ್ಥಾನವೊಂದರಲ್ಲೇ ಮುಹೂರ್ತ ಕಾರ್ಯಕ್ರಮವೂ ನಡೆಯಲಿದೆಯಂತೆ. ಇಲ್ಲಿಯೇ ಶೂಟಿಂಗ್ ಕೂಡಾ ನಡೆಯುವ ಸಾಧ‍್ಯತೆಯಿದೆ. ಡಿಸೆಂಬರ್ ನಿಂದ ಶೂಟಿಂಗ್ ಆರಂಭವಾಗಲಿದೆ. ಈ ಬಾರಿ ಕೆಲವು ಹೊಸ ಪಾತ್ರಗಳೂ ಸೇರ್ಪಡೆಯಾಗಲಿವೆ.