ಆ ಟೈಪ್ ಪಾತ್ರ ಮಾಡ್ತೀರಾ ಅಂತ ಕೇಳಿದ್ರು! ಜಗ್ಗೇಶ್ ಬಿಚ್ಚಿಟ್ಟ ಸಿನಿಮಾ ಕತೆ!

ಬೆಂಗಳೂರು: ಪ್ರೀಮಿಯರ್ ಪದ್ಮಿನಿ ಸಿನಿಮಾದ ಪತ್ರಿಕಾಗೋಷ್ಠಿಯಲ್ಲಿ ನವರಸನಾಯಕ ಜಗ್ಗೇಶ್ ತಮಗೆ ಇತ್ತೀಚೆಗೆ ಬಂದ ಆಫರ್ ಒಂದರ ಬಗ್ಗೆ ಹೇಳಿ ನೆರೆದಿದ್ದವರನ್ನು ನಗೆಗಡಲಲ್ಲಿ ತೇಲಿಸಿದರು.

ಇತ್ತೀಚೆಗೆ ಒಬ್ಬರು ನಿರ್ಮಾಪಕರು ಬಂದು ನನಗೆ ಲೈಂಗಿಕ ತಜ್ಞ ವೈದ್ಯನ ಪಾತ್ರ ಮಾಡ್ತೀರಾ ಅಂತ ಕೇಳಿದ್ರು. ಮಧ್ಯರಾತ್ರಿ ಬಂದೋರಿಗೆಲ್ಲಾ ಸಮಸ್ಯೆಗೆ ಪರಿಹಾರ ಹೇಳ್ತಾ ಕೂರಬೇಕಂತೆ. ಅಯ್ಯೋ.. ಬೇಡಪ್ಪಾ ನಿಮ್ಮ ದುಡ್ಡೂ ಬೇಡ.. ಪಾತ್ರನೂ ಬೇಡ ಎಂದು ಕಳುಹಿಸಿಬಿಟ್ಟೆ ಎಂದು ಜಗ್ಗೇಶ್ ಹೇಳಿಕೊಂಡಿದ್ದಾರೆ.

ಅಷ್ಟೇ ಅಲ್ಲ, ಈ ವಿಚಾರ ಹೆಂಡತಿ ಬಳಿ ಹೇಳಿದಾಗ ಆಕೆ ಹೌಹಾರಿ ಬಿಟ್ಟಳಂತೆ. ಕೊನೆಗೆ ನಾನೇ ಆ ಸಿನಿಮಾ ಮಾಡ್ತಿಲ್ಲ ಅಂತ ಸಮಾಧಾನ ಮಾಡಬೇಕಾಯಿತು ಎಂದು ಜಗ್ಗೇಶ್ ತಮ್ಮದೇ ಶೈಲಿಯಲ್ಲಿ ಹೇಳುತ್ತಿದ್ದಂತೆ ಅಲ್ಲಿದವರಿಗೆ ನಗುವೋ ನಗು.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ