ಮುಂಬೈ: ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಈಗ ಸೌತ್ ಇಂಡಿಯಾ ಸೆನ್ಸೇಷನಲ್ ನಟಿ. ತೆಲುಗಿನಲ್ಲಿ ನಿತಿನ್ ಜತೆಗೆ ಭೀಷ್ಮ ಸಿನಿಮಾ ಮಾಡುತ್ತಿರುವ ರಶ್ಮಿಕಾಗೆ ಈಗ ಬಾಲಿವುಡ್ ನಟ ಹೃತಿಕ್ ರೋಷನ್ ರಿಂದ ಮೆಚ್ಚುಗೆ ಸಿಕ್ಕಿದೆ.
ಭೀಷ್ಮ ಸಿನಿಮಾದಲ್ಲಿ ತಮ್ಮ ಸಹ ನಟರಾಗಿರುವ ನಿತಿನ್ ಜತೆ ರಶ್ಮಿಕಾ ಹೃತಿಕ್ ರ ಹಾಡಿಗೆ ಸ್ಟೆಪ್ ಹಾಕಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿದ್ದರು. ಇದನ್ನು ನೋಡಿರುವ ಹೃತಿಕ್ ರಶ್ಮಿಕಾಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ರಶ್ಮಿಕಾ ನೃತ್ಯವನ್ನು ಮೆಚ್ಚಿಕೊಂಡ ಹೃತಿಕ್ ನಿಮ್ಮ ಡ್ಯಾನ್ಸ್ ಚೆನ್ನಾಗಿದೆ ಎಂದಿದ್ದಲ್ಲದೆ, ಭೀಷ್ಮ ಸಿನಿಮಾಗೆ ಆಲ್ ದಿ ಬೆಸ್ಟ್ ಹೇಳಿದ್ದಾರೆ. ಹೃತಿಕ್ ಮಾತಿನಿಂದ ಖುಷಿಯಾಗಿರುವ ರಶ್ಮಿಕಾ ಧನ್ಯವಾದ ಸಲ್ಲಿಸಿದ್ದು, ಮುಂದೊಂದು ದಿನ ನಿಮ್ಮ ಜತೆಗೆ ನಟಿಸಬೇಕು ಎನ್ನುವುದು ನನ್ನ ಆಸೆ ಎಂದಿದ್ದಾರೆ.