ಹೈದರಾಬಾದ್ : ಫಿಲಂಫೇರ್ ಟ್ವೀಟರ್ ನಲ್ಲಿ ಟಾಲಿವುಡ್ ನ ಖ್ಯಾತ ನಟ ರಾಮ್ ಚರಣ್ ಅವರ ವಿಡಿಯೋವೊಂದನ್ನು ಪೋಸ್ಟ್ ಮಾಡಿ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ.
ಫಿಲಂಫೇರ್ ತನ್ನ ಟ್ವೀಟರ್ ಖಾತೆಯಲ್ಲಿ ಸಿನಿಮಾ ಬಗ್ಗೆ , ನಟ ನಟಿಯರ ಬಗ್ಗೆ ಮಾಹಿತಿ ಹಂಚಿಕೊಳ್ಳುತ್ತಿದೆ. ಆದರೆ ಹೆಚ್ಚಾಗಿ ಬಾಲಿವುಡ್ ಬಗ್ಗೆಯೇ ಮಾಹಿತಿ ನೀಡುತ್ತಿದ್ದ ಫಿಲಂಪೇರ್ ಇದೀಗ ಟಾಲಿವುಡ್ ನ ಖ್ಯಾತ ನಟ ರಾಮ್ ಚರಣ್ ಅವರು ಮಗುವಿನ ಜೊತೆ ಕುಣಿಯುತ್ತಿದ್ದ ವಿಡಿಯೋವನ್ನು ಪೋಸ್ಟ್ ಮಾಡಿ ತಮ್ಮ ಮಗುವಿನೊಂದಿಗೆ ಕುಣಿದ ನಟ ರಾಮ್ ಚರಣ್ ತೇಜ ಎಂದು ಕ್ಯಾಪ್ಷನ್ ನೀಡಿದ್ದಾರೆ.
ಇದು ಎಡವಟ್ಟಿಗೆ ಕಾರಣವಾಗಿದ್ದು, ಆ ಮಗು ರಾಮ್ ಚರಣ್ ಅವರದ್ದಾಗಿರಲಿಲ್ಲ ಬದಲಿಗೆ ಅವರ ತಂಗಿಯ ಮಗುವಾಗಿದೆ. ಇದು ರಾಮ್ ಚರಣ್ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾದ ಹಿನ್ನಲೆಯಲ್ಲಿ ಅದನ್ನು ಫಿಲಂಫೇರ್ ತೆಗೆದುಹಾಕಿದೆ ಎನ್ನಲಾಗಿದೆ.
