‘ಆದಿಪುರುಷ’ ಸಿನಿಮಾಕ್ಕೆ ಗೇಮ್ ಆಫ್ ಥ್ರೋನ್ ಟೀಂಯಿಂದ ಗ್ರಾಫಿಕ್ಸ್

ಹೈದರಾಬಾದ್ : ಬಿಗ್ ಬಜೆಟ್ ನಲ್ಲಿ ಮೂಡಿಬರುತ್ತಿರುವ ಪ್ರಭಾಸ್ ಅಭಿನಯದ ‘ಆದಿಪುರುಷ’ ಸಿನಿಮಾ ತಂಡದ ಜೊತೆ ಗೇಮ್ ಆಫ್ ಥ್ರೋನ್ ಟೀಂ ಕೈಜೋಡಿಸುತ್ತಿದೆಯಂತೆ.

ಹಾಲಿವುಡ್ ನ ಗೇಮ್ ಆಫ್ ಥ್ರೋನ್ ಸೀರಿಸ ನಲ್ಲಿ ಬರುವ ಡ್ರ್ಯಾಗನ್, ಅಲ್ಲಿನ ಕೋಟೆಗಳು, ಮರಳುಗಾಡು ಸೇರಿ ಮುಂತಾದವನ್ನು ಗ್ರಾಫಿಕ್ಸ್ ಮಾಡಲಾಗಿತ್ತು. ಈ ಸೀರಿಸ್ ಗ್ರಾಫಿಕ್ಸ್ ಮೂಲಕ ಜನರ ಗಮನಸೆಳೆದಿತ್ತು. ಈ ಟೀಂ ಇದೀಗ ಪ್ರಭಾಸ್ ಅವರ ಆದಿಪುರುಷ ಸಿನಿಮಾದ ಜೊತೆ ಕೈಜೋಡಿಸಲಿದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಆದಿಪುರುಷ ಸಿನಿಮಾದಲ್ಲಿ ಗ್ರಾಫಿಕ್ಸ್ ಬರೋಬರಿ 300 ಕೋಟಿ ಖರ್ಚು ಮಾಡುತ್ತಿದೆಯಂತೆ. ಆದಕಾರಣ ಗೇಮ್ ಆಫ್ ಥ್ರೋನ್ ಟೀಂನ್ನು ಈ ಸಿನಿಮಾಕ್ಕೆ ಕರೆತರಲು ಚಿತ್ರತಂಡ ನಿರ್ಧರಿಸಿದೆ ಎನ್ನಲಾಗಿದೆ.