ಕನ್ನಡಿಗರನ್ನು ರೋಮಾಂಚನಗೊಳಿಸಿದ `ಗೀತಾ’ ಟ್ರೇಲರ್!

ಗುರುವಾರ, 12 ಸೆಪ್ಟಂಬರ್ 2019 (13:32 IST)
ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಗೀತಾ ಚಿತ್ರ ಇದೇ ತಿಂಗಳ 27ರಂದು ತೆರೆಗಾಣಲು ರೆಡಿಯಾಗಿದೆ. ಇತ್ತೀಚೆಗಷ್ಟೇ ಸಂತೋಷ್ ಆನಂದ್ರಾಮ್ ಬರೆದ ಕನ್ನಡ ತನದ ಲಿರಿಕಲ್ ವೀಡಿಯೋ ಒಂದರ ಮೂಲಕ ಸದ್ದು ಮಾಡಿದ್ದ ಟ್ರೇಲರ್ ಇದೀಗ ಬಿಡುಗಡೆಗೊಂಡಿದೆ. ಗಣೇಶ್ ಈ ಹಿಂದೆ ಅನೇಕ ಸಂದರ್ಭಗಳಲ್ಲಿ ಗೀತಾ ತನ್ನ ವೃತ್ತಿ ಜೀವನದಲ್ಲಿಯೇ ವಿಶೇಷ ಚಿತ್ರವೆಂದು ಹೇಳಿಕೊಂಡಿದ್ದರು. ಈಗ ಬಂದಿರೋ ಟ್ರೇಲರ್ ತುಂಬಾ ಅದಕ್ಕೆ ಸಾಕ್ಷೆಯೆಂಬಂಥಾ ಸನ್ನಿವೇಶಗಳಿದ್ದಾವೆ!
ಈ ಟ್ರೇಲರ್ನಲ್ಲಿ ಪ್ರಧಾನವಾಗಿ ಮೂಡಿ ಬಂದಿರೋದು ಕನ್ನಡಪರ ಹೋರಾಟದ ಝಲಕ್. ಅದರ ಹಿನ್ನೆಲೆಯಲ್ಲಿಯೇ ಡೀಪ್ ಆದೊಂದು ವಿಭಿನ್ನ ಪ್ರೇಮ ಕಥೆಯ ಸುಳಿವೂ ಕೂಡಾ ಈ ಟ್ರೇಲರ್ ಮೂಲಕವೇ ಸಿಕ್ಕಿದೆ. ಇದರಲ್ಲಿ ಗಣೇಶ್ ಕಡೆಯಿಂದ ಕೇಳಿಸಿರೋ ಕನ್ನಡಾಭಿಮಾನವನ್ನು ಕೆರಳಿಸುವಂಥಾ ಡೈಲಾಗ್ಗಳು, ಅವರ ಹೋರಾಟಗಾರನ ಮಾಸ್ ಲುಕ್ಕುಗಳು ಅಭಿಮಾನಿಳೆಲ್ಲ ಥ್ರಿಲ್ ಆಗುವಂತೆ ಮೂಡಿ ಬಂದಿದೆ. ಈ ಹಿಂದೆ ಲಿರಿಕಲ್ ವೀಡಿಯೋ ಬಿಡುಗಡೆಯಾದಾಗ ಈ ಸಿನಿಮಾದಲ್ಲಿ ಗೋಕಾಕ್ ಚಳುವಳಿಯನ್ನು ಮರುಸೃಷ್ಟಿಸಲಾಗಿದೆ ಎಂಬ ಮಾತುಗಳು ಕೇಳಿ ಬಂದಿದ್ದವು. ಈ ಟ್ರೇಲರ್ ಅದು ಎಷ್ಟು ಪರಿಣಾಮಕಾರಿಯಾಗಿದೆ ಅನ್ನೋದನ್ನು ಸೂಚಿಸುವಂತಿದೆ.
 
ಸೈಯದ್ ಸಲಾಮ್ ಮತ್ತು ಶಿಲ್ಪಾ ಗಣೇಶ್ ನಿರ್ಮಾಣ ಮಾಡಿರೋ ಈ ಸಿನಿಮಾ ಗಣೇಶ್ ಅವರ ಹೋಂಬ್ಯಾನರಿನ ಚಿಚ್ಚಲ ಕೊಡುಗೆ. ಆರಂಭದಿಂದ ಇಲ್ಲೀವರೆಗೂ ಥರ ಥರದ ಕ್ರಿಯೇಟಿವ್ ಅಂಶಗಳೊಂದಿಗೆ ಸದ್ದು ಮಾಡುತ್ತಾ ಸಾಗಿ ಬಂದಿರೋ ಈ ಚಿತ್ರವೀಗ ಬಿಡುಗಡೆಯ ಹೊಸ್ತಿಲಲ್ಲಿದೆ. ತೆರೆಗಾಣಲು ಇನ್ನೇನು ಎರಡು ವಾರವಷ್ಟೇ ಬಾಕಿ ಉಳಿದಿರುವಾಗ ಈ ಚೆಂದದ ಟ್ರೇಲರ್ ಅನ್ನು ಚಿತ್ರತಂಡ ಬಿಡುಗಡೆಗೊಳಿಸಿದೆ. ಇದನ್ನು ಗಮನಿಸಿದರೆ ಖಂಡಿತಾ ಇದು ಗಣೇಶ್ ಪಾಲಿಗೆ ಮತ್ತೊಂದು ಗೋಲ್ಡನ್ ಗೆಲುವು ತಂದುಕೊಡುತ್ತದೆಂಬ ಭರವಸೆ ಮೂಡಿಕೊಳ್ಳುತ್ತದೆ.

ವೆಬ್ದುನಿಯಾವನ್ನು ಓದಿ

ಮುಂದಿನ ಸುದ್ದಿ ಡಾ. ರಾಜ್ ಎಂದರೆ ಎಲ್ಲಾ ನಟರ ಚಕ್ರವರ್ತಿ ಇದ್ದ ಹಾಗೆ ಎಂದ ಅನಿಲ್ ಕಪೂರ್