ಗರುಡಾ ಎಂಬ ಹೆಸರು ಕೇಳಿದ್ರೆನೆ ಎಲ್ಲರ ಕಣ್ಣ ಮುಂದೆ ಕೆಜಿಎಫ್ ಸಿನಿಮಾದ ಆ ವಿಲನ್ ಬಂದು ನಿಲ್ಲುತ್ತಾನೆ. ಸಧ್ಯ ಕೆಜಿಎಫ್-2ನಲ್ಲೂ ಗರುಡಾ ತನ್ನ ಛಾಪು ಮೂಡಿಸಲು ಸಿದ್ಧವಾಗಿದ್ದಾರೆ. ಕೆಜಿಎಫ್-2ನಲ್ಲಿ ಗರುಡನ ಮುಂದಿನ ಭಾಗ ನೋಡಲು ಜನ ಕಾತುರದಿಂದ ಕಾಯುತ್ತಿದ್ದಾರೆ.
ಗರುಡಾ ಅಲಿಯಾಸ್ ರಾಮ್ ಅವರ ಪಾತ್ರ ಜನರ ಮನಸ್ಸಲ್ಲಿ ಹೇಗೆ ಅಚ್ಚಾಗಿದೆ ಅಂದ್ರೆ ಈಗಲೂ ಜನ ಕೆಜಿಎಫ್-1ರ ಕಡೆ ದೃಶ್ಯವನ್ನ ಯಾವತ್ತು ಮರೆಯಲು ಸಾಧ್ಯವಿಲ್ಲ, ಗರುಡಾ ಪಾತ್ರ ಜನರ ಮನಸ್ಸಲ್ಲಿ ಅಷ್ಟು ಪ್ರಭಾವ ಬೀರಿದೆ. ಇದೀಗ ಮತ್ತೊಂದು ಕನ್ನಡ ಸಿನಿಮಾದಲ್ಲಿ ವಿಲನ್ ಆಗಿ ಬರಲು ರಾಮ್ ರೆಡಿಯಾಗಿದ್ದಾರೆ.
ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ಸಿನಿಮಾ ಮೂಲಕ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟಿದ್ದ ಧನ್ವೀರ್ ಮೊದಲ ಸಿನಿಮಾದ ಮೂಲಕವೇ ಭರವಸೆಯ ನಟನಾಗಿ ಹೊರಹೊಮ್ಮಿದ್ದರು. 'ಬಜಾರ್' ನಂತರ ಸಾಕಷ್ಟು ಆಫರ್ ಗಳು ಬಂದರೂ ಕೂಡ ಒಳ್ಳೆ ಕಥೆಗಾಗಿ ಕಾಯುತ್ತಿದ್ದ ನಟ, ಇದೀಗ 'ಬಂಪರ್' ಎಂಬ ಎರಡನೇ ಸಿನಿಮಾಗೆ ರೆಡಿಯಾಗಿದ್ದಾರೆ. ಈಗಾಗಲೇ 'ಬಂಪರ್' ಸಿನಿಮಾದ ಮುಹೂರ್ತವನ್ನ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನೆರವೇರಿಸಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಇದೀಗ ಹೊಸ ಹುಡುಗ ಧನ್ವೀರ್ ಜೊತೆ ಸ್ಕ್ರೀನ್ ಶೇರ್ ಮಾಡಿಕೊಳ್ಳಲು ರಾಮ್ ಓಕೆ ಎಂದಿದ್ದಾರೆ.
ಕೆಜಿಎಫ್ ನಲ್ಲಿ ಗರುಡನಾ ಆ ಖಡಕ್ ಎಂಟ್ರಿ, ತುಂಬಾ ಒರಟುತನ, ಮೈ ಜುಮ್ ಎನಿಸುವಂತ ಕ್ರೌರ್ಯ ಎಲ್ಲವೂ ಜನರ ಮನಸ್ಸಿನೊಳಗೆ ಹಾಗೇ ಕುಳಿತು ಬಿಟ್ಟಿವೆ. 'ಬಂಪರ್' ನಲ್ಲಿ ಧನ್ವೀರ್ ಹಾಗೂ ರಾಮ್ ಮುಖಾಮುಖಿಯಾಗಲಿದ್ದು, ಅವರಿಬ್ಬರ ಫೈಟ್ ಕುತೂಹಲ ಮೂಡಿಸಿದೆ.
