Publish Date: Thu, 21 Dec 2023 (09:51 IST)
Updated Date: Thu, 21 Dec 2023 (09:54 IST)
ಬೆಂಗಳೂರು: ಕನ್ನಡ ಚಿತ್ರರಂಗವನ್ನು ಇಡೀ ದೇಶವೇ ತಿರುಗಿ ನೋಡುವಂತೆ ಮಾಡಿ ಕೆಜಿಎಫ್ ಚಾಪ್ಟರ್ 1 ಸಿನಿಮಾ ರಿಲೀಸ್ ಆಗಿ ಇಂದಿಗೆ ಐದು ವರ್ಷವಾಗಿದೆ.
2018 ರ ಡಿಸೆಂಬರ್ 21 ರಂದು ಕೆಜಿಎಫ್ ಸಿನಿಮಾ ಬಹುಭಾಷೆಗಳಲ್ಲಿ ಬಿಡುಗಡೆಯಾಗಿ ಭಾರೀ ಸದ್ದು ಮಾಡಿತ್ತು. ಸ್ಯಾಂಡಲ್ ವುಡ್ ಗೆ ಹಲವು ಪ್ರಥಮಗಳ ದಾಖಲೆ ತಂದುಕೊಟ್ಟ ಸಿನಿಮಾ ಇದು. ಜೊತೆಗೆ ಯಶ್ ಎಂಬ ನಟ ರಾಕಿ ಭಾಯಿ ಆಗಿ ನ್ಯಾಷನಲ್ ಸ್ಟಾರ್ ಆದ ದಿನ.
ಕೆಜಿಎಫ್ ಸಿನಿಮಾ ಮೊದಲ ಬಾರಿಗೆ ಕನ್ನಡದಲ್ಲಿ 100 ಕೋಟಿ ಗಳಿಕೆ ಮಾಡಿದ ಸಿನಿಮಾ ಎಂಬ ಹೆಗ್ಗಳಿಕೆ ಪಡೆಯಿತು. ಜೊತೆಗೆ ಮೊದಲ ದಿನವೇ ಸುಮಾರು 20 ಕೋಟಿ ಸನಿಹ ಗಳಿಕೆ ಮಾಡಿತ್ತು.
ಅಲ್ಲಿಯವರೆಗೆ ಕನ್ನಡ ಸಿನಿಮಾಗಳು ಕೇವಲ ಕನ್ನಡಕ್ಕಷ್ಟೇ ಸೀಮಿತವಾಗಿತ್ತು. ಆದರೆ ಹಿಂದಿಯಲ್ಲೂ ಬಾಲಿವುಡ್ ಸಿನಿಮಾಗಳನ್ನೂ ಸೋಲಿಸಿ ಗಲ್ಲಾಪೆಟ್ಟಿಗೆ ಲೂಟಿ ಮಾಡಿದ ಹೆಗ್ಗಳಿಕೆ ಕೆಜಿಎಫ್ 1 ಸಿನಿಮಾದ್ದು. ಇನ್ನು, ಕೆಜಿಎಫ್ 1 ಬಿಡುಗಡೆಯಾಗಿ ಐದು ವರ್ಷವಾದ ಹಿನ್ನಲೆಯಲ್ಲಿ ಫ್ಯಾನ್ಸ್ ಸೋಷಿಯಲ್ ಮೀಡಿಯಾದಲ್ಲಿ ರಾಕಿ ಭಾಯಿಯನ್ನು ನೆನೆಸಿಕೊಂಡಿದ್ದು, ಶುಭಾಶಯ ಕೋರುತ್ತಿದ್ದಾರೆ.
