ಹೈದರಾಬಾದ್ : ಬಾಲಿವುಡ್ ನಟ ಅಜಯ್ ದೇವಗನ್ ಅವರು ರಾಜಮೌಳಿ ಅವರ ಆರ್ ಆರ್ ಆರ್ ಚಿತ್ರದಲ್ಲಿ ನಟಿಸುತ್ತಿದ್ದು, ಈ ಹಿನ್ನಲೆಯಲ್ಲಿ ಏಪ್ರಿಲ್ 2ರಂದು ಅವರ ಜನ್ಮ ದಿನವಾದ ಕಾರಣ ಆರ್ ಆರ್ ಆರ್ ಚಿತ್ರದ ತಂಡ ವಿಶೇಷ ಉಡುಗೊರೆಯನ್ನು ನೀಡಿದೆ.
ಅಜಯ್ ದೇವ್ ಗನ್ ಹುಟ್ಟುಹಬ್ಬದಂದು ಆರ್ ಆರ್ ಆರ್ ಚಿತ್ರದ ಅವರ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಲಾಗಿದೆ. ಈ ಚಿತ್ರದಲ್ಲಿ ಅಜಯ್ ದೇವಗನ್ ಅವರು ಫ್ಲ್ಯಾಷ್ ಬ್ಯಾಕ್ ಭಾಗಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಪೋಸ್ಟರ್ ನಲ್ಲಿ ಅಜಯ್ ದೇವಗನ್ ಸ್ವಾತಂತ್ರ್ಯ ಹೋರಾಟಗಾರನಾಗಿ ಕಾಣಿಸಿಕೊಂಡಿದ್ದು, ಅಜಯ್ ದೇವಗನ್ ಅವರು ಒರಟಾದ ನೋಟ ಹಾಗೂ ಅವರ ಹಣೆಯಲ್ಲಿ ರಕ್ತ ಹರಿಯುತ್ತಿರುವಂತಹ ಫೋಸ್ಟರ್ ಅನ್ನು ಕಾಣಬಹುದು.
