ಮೂವರು ಮೆಗಾ ಹೀರೋಗಳ ಚಿತ್ರಗಳು 13ನೇ ತಾರೀಕಿನಂದು ಬಿಡುಗಡೆಯಾಗಲಿದೆ

ಹೈದರಾಬಾದ್ : 2021ರ ವರ್ಷದಲ್ಲಿ ಮೂರು ಬಹುನಿರೀಕ್ಷೆಯ ಚಿತ್ರಗಳ ಬಿಡುಗಡೆಯ ದಿನಾಂಕವನ್ನು ಕಾಕತಾಳೀಯವಾಗಿ ಘೋಷಿಸಲಾಗಿದೆ. ಇದು ಚಿತ್ರರಂಗದಲ್ಲಿ ಬಿಸಿ ವಿಷಯವಾಗಿ ಮಾರ್ಪಟ್ಟಿದೆ.

ಹೌದು. ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ ‘ಆಚಾರ್ಯ’ ಚಿತ್ರ ಮೇ13ರಂದು ಬಿಡುಗಡೆಯಾಗಲಿದೆ, ಅಲ್ಲು ಅರ್ಜುನ್ ಅಭಿನಯದ ‘ಪುಷ್ಪಾ’ ಚಿತ್ರ ಆಗಸ್ಟ್ 13ರಂದು ಬಿಡುಗಡೆಯಾಗಲಿದೆ. ಆರ್ ಆರ್ ಆರ್ ಚಿತ್ರವನ್ನು ಅಕ್ಟೋಬರ್ 13ರಂದು ದಸರಾ ಉಡುಗೊರೆಯಾಗಿ ಬಿಡುಗಡೆ ಮಾಡುವುದಾಗಿ ಘೋಷಿಸಲಾಗಿದೆ. ಇದರಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ ಚರಣ್ ಅಭಿನಯಿಸಿದ್ದಾರೆ.

ಅಂದರೆ ಮೆಗಾ ಸ್ಟಾರ್ ಫ್ಯಾಮಿಲಿಯ ಮೂವರು ಹೀರೋಗಳು ನಟಿಸಿರುವ ಮೂರು ಚಿತ್ರಗಳು 13ನೇ ತಾರೀಕಿನಂದು ಬಿಡುಗಡೆಯಾಗುತ್ತಿರುವುದು ಆಶ್ಚರ್ಯಕರವಾಗಿದೆ ಎನ್ನಲಾಗಿದೆ.