ಬೆಂಗಳೂರು: ಚಿರಂಜೀವಿ ಸರ್ಜಾ-ಮೇಘನಾ ರಾಜ್ ಅವರ ನವಜಾತ ಮಗನಿಗಾಗಿ ಧಾರವಾಡದ ಅಭಿಮಾನಿಗಳ ಸಂಘವೊಂದು ತಾವೇ ಕೈಯಾರೆ ತೊಟ್ಟಿಲು ನಿರ್ಮಿಸಿ ಗಿಫ್ಟ್ ಮಾಡುತ್ತಿದೆ.
ಧಾರವಾಡದ ಸ್ತ್ರೀ ಶಕ್ತಿ ಸಂಘವೊಂದು ಮೇಘನಾ-ಚಿರು ಮಗನಿಗಾಗಿ ವಿಶ್ವಪ್ರಸಿದ್ಧ ಕಲಘಟಗಿ ಬಣ್ಣದ ತೊಟ್ಟಿಲನ್ನು ತಯಾರಿಸಿದ್ದು, ಉಡುಗೊರೆಯಾಗಿ ನೀಡಲು ಉದ್ದೇಶಿಸಿದೆ. ಚಿರಂಜೀವಿ ಮೇಲಿನ ಪ್ರೀತಿಯಿಂದ ಈ ಉಡುಗೊರೆ ನೀಡುತ್ತಿರುವುದಾಗಿ ಸಂಘ ಹೇಳಿದೆ. ಈ ತೊಟ್ಟಿಲನ್ನು ತಯಾರಿಸಲು ಇಲ್ಲಿನ ಕುಶಲಕರ್ಮಿಗಳು ಒಂದೂವರೆ ತಿಂಗಳು ಶ್ರಮಪಟ್ಟಿದ್ದಾರಂತೆ. ಈ ವಿಶೇಷ ಉಡುಗೊರೆ ಸದ್ಯದಲ್ಲೇ ಮೇಘನಾ ಮಗನಿಗೆ ಹಸ್ತಾಂತರವಾಗಲಿದೆ.
