ಬೆಂಗಳೂರು: ಅಭಿಮಾನಿಗಳೇ ನನಗೆ ಸೆಲೆಬ್ರಿಟಿಗಳು. ಅವರು ಕುರುಕ್ಷೇತ್ರ ಸಿನಿಮಾ ಸುತ್ತ ವಿವಾದ ಹುಟ್ಟುಹಾಕದೇ ನೋಡುವುದೇ ನನ್ನ ಸವಾಲು ಎಂದು ಚಾಲೆಂಜ್ ಹಾಕಿದ್ದ ಡಿ ಬಾಸ್ ದರ್ಶನ್ ಗೆ ಅಭಿಮಾನಿಗಳು ಸೈ ಎಂದಿದ್ದಾರೆ.
ಕುರುಕ್ಷೇತ್ರದಲ್ಲಿ ನನ್ನ ಕಟೌಟ್ ಇಲ್ಲ, ಫೋಟೋ ಇಲ್ಲ ಎಂದೆಲ್ಲಾ ಕಿತ್ತಾಡದೇ ಒಂದು ಒಳ್ಳೆಯ ಸಿನಿಮಾ ಎಂದು ಮನೆ ಮಂದಿಯೆಲ್ಲಾ ಕುಳಿತು ನೋಡಬೇಕು ಎಂದು ತಮ್ಮ ಸೆಲೆಬ್ರಿಟಿ ಅಭಿಮಾನಿಗಳಿಗೆ ದರ್ಶನ್ ಫೇಸ್ ಬುಕ್ ಲೈವ್ ಮೂಲಕ ನಿನ್ನೆ ಸವಾಲು ಹಾಕಿದ್ದಾರೆ.
ದರ್ಶನ್ ಸವಾಲಿಗೆ ಸಾಮಾಜಿಕ ಜಾಲತಾಣದ ಮೂಲಕ ಪ್ರತಿಕ್ರಿಯಿಸಿರುವ ಅಭಿಮಾನಿಗಳು ನಮ್ಮನ್ನು ಸೆಲೆಬ್ರಿಟಿಗಳು ಎಂದು ಕರೆದಿದ್ದಕ್ಕೆ ಖುಷಿಯಾಗಿದೆ. ನಿಮ್ಮ ಮಾತನ್ನು ನಾವು ಕೇಳುತ್ತೇವೆ ಅಣ್ಣಾ. ನಾವು ಯಾರೂ ಗಲಾಟೆ ಮಾಡಲ್ಲ ಎಂದು ಡಿ ಬಾಸ್ ಗೆ ಪ್ರಾಮಿಸ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಕುರುಕ್ಷೇತ್ರ ಸಿನಿಮಾದಲ್ಲಿರುವ ಎಲ್ಲಾ ಸೆಲೆಬ್ರಿಟಿಗಳನ್ನು ಗೌರವಿಸುತ್ತೇವೆ ಎಂದಿದ್ದಾರೆ.