ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್-ರಾಧಿಕಾ ಪಂಡಿತ್ ಮುದ್ದಿನ ಮಗ ಯಥರ್ವ್ ಯಶ್ ಗೆ ಇನ್ನೂ ಒಂದು ವರ್ಷವಾಗಿಲ್ಲ. ಆದರೆ ಈ ಮುದ್ದು ಕಂದನ ಬಗ್ಗೆ ಅಭಿಮಾನಿಗಳಲ್ಲಿರುವ ಕ್ರೇಜ್ ಮಾತ್ರ ಯಾವ ಸ್ಟಾರ್ ಗೂ ಕಮ್ಮಿಯಿಲ್ಲ.
ಯಥರ್ವ್ ಯಶ್ ಅಕ್ಟೋಬರ್ 30 ಕ್ಕೆ ಮೊದಲನೇ ವರ್ಷದ ಬರ್ತ್ ಡೇ ಆಚರಿಸಿಕೊಳ್ಳುತ್ತಿದ್ದಾನೆ. ಇದಕ್ಕಾಗಿ ಈಗಲೇ ಯಶ್ ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಬರ್ತ್ ಡೇ ಸೆಲೆಬ್ರೇಟ್ ಮಾಡಲು ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. ಅಕ್ಟೋಬರ್ 29 ರಂದು ಸಂಜೆ 6 ಗಂಟೆಗೆ ಯಶ್ ಪುತ್ರ ಯಥರ್ವ್ ವಿಶೇಷ ಸಿಡಿಪಿ ಬಿಡುಗಡೆ ಮಾಡಲು ಅಭಿಮಾನಿಗಳು ನಿರ್ಧರಿಸಿದ್ದಾರೆ. ಈ ಮೂಲಕ ಜ್ಯೂನಿಯರ್ ಯಶ್ ಬರ್ತ್ ಡೇಯನ್ನು ಯಾವ ಸ್ಟಾರ್ ಗೂ ಕಮ್ಮಿಯಿಲ್ಲದಂತೆ ಆಚರಿಸಲು ಸಿದ್ಧತೆ ನಡೆಸಿದ್ದಾರೆ. ಹಿಂದೊಮ್ಮೆ ಐರಾ ಯಶ್ ಳನ್ನು ಅಭಿಮಾನಿಗಳು ಸ್ಟಾರ್ ಗಳಂತೆ ವಿಪರೀತ ಫೋಕಸ್ ಮಾಡುತ್ತಿದ್ದರಿಂದ ಕಿರಿ ಕಿರಿಯಾಗಿದ್ದ ಯಶ್, ನನ್ನ ಮಗಳು ಎನ್ನುವ ಕಾರಣಕ್ಕೆ ಆಕೆಗೆ ಹೆಚ್ಚು ಪಬ್ಲಿಸಿಟಿ ಕೊಡಬೇಡಿ ಎಂದು ಮನವಿ ಮಾಡಿದ್ದರು. ಹಾಗಿದ್ದರೂ ಯಶ್ ಇಬ್ಬರೂ ಮಕ್ಕಳ ಮೇಲೆ ಅಭಿಮಾನಿಗಳ ಪ್ರೀತಿಯೇನೂ ಕಮ್ಮಿಯಾಗಿಲ್ಲ.