ಬೆಂಗಳೂರು: ಮಿಸ್ಟರ್ ಆಂಡ್ ಮಿಸೆಸ್ ರಾಮಚಾರಿ ಯಶ್ ಮತ್ತು ರಾಧಿಕಾಗೆ ಅಭಿಮಾನಿಗಳೆಂದರೆ ವಿಪರೀತ ಪ್ರೀತಿ. ಹೀಗಾಗಿ ಅಭಿಮಾನಿಗಳು ಖುದ್ದಾಗಿ ಯಶ್ ರಾಧಿಕಾ ಮದುವೆಗೆ ಬಂದು ಶುಭ ಹಾರೈಸಲು ಅವಕಾಶವಿದೆಯಂತೆ.
ಡಿಸೆಂಬರ್ 9 ರಿಂದ 11 ರವರೆಗೆ ಮೂರು ದಿನಗಳ ಕಾಲ ಈ ರಿಯಲ್ ಲೈಫ್ ಜೋಡಿಯ ಮದುವೆ ಕಾರ್ಯಕ್ರಮಗಳು ನಡೆಯಲಿವೆ. ಅದರಲ್ಲಿ ಒಂದು ದಿನ ಕುಟುಂಬದವರು ಮತ್ತು ಆಪ್ತೇಷ್ಟರಿಗೆ ಇನ್ನೊಂದು ದಿನ ಅಭಿಮಾನಿಗಳಿಗೆ ಮೀಸಲಿಡಲಾಗಿದೆ.
ಡಿಸೆಂಬರ್ 9 ರಂದು ಈ ತಾರಾ ಜೋಡಿ ಹಸೆಮಣೆ ಏರಲಿದೆ. ಅಂದು ಕುಟುಂಬದವರು ಮತ್ತು ಸಿನಿಮಾ ಮಂದಿಗೆ ಮಾತ್ರ ಪ್ರವೇಶ. ಉಳಿದ ಎರಡು ದಿನ ಆರತಕ್ಷತೆ ಕಾರ್ಯಕ್ರಮ ನಡೆಯಲಿದೆ. ಅದರಲ್ಲೂ ಡಿಸೆಂಬರ್ 11 ರಂದು ಕೇವಲ ಅಭಿಮಾನಿಗಳಿಗಾಗಿ.
ಈ ಎಲ್ಲಾ ಕಾರ್ಯಕ್ರಮಗಳು ನಡೆಯುವುದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ. ವಿವಾಹಕ್ಕೆ ಬಂದವರು ಉತ್ತರ ಮತ್ತು ದಕ್ಷಿಣ ಭಾರತೀಯ ಶೈಲಿಯ ಭರ್ಜರಿ ಊಟ ಮಾಡಿ ತೆರಳಬಹುದು. ಈಗಾಗಲೇ ಮದುವೆಗಾಗಿ ಚಿತ್ರ ರಂಗದಿಂದ ಬ್ರೇಕ್ ತೆಗೆದುಕೊಂಡಿರುವ ಯಶ್ ತಮ್ಮ ಪ್ರೀತಿಯ ರಾಧಿಕೆಗೆ ಒಡವೆ ವಸ್ತ್ರ ಖರೀದಿ ಮಾಡುವಲ್ಲಿ ಬ್ಯುಸಿಯಂತೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
